K’o jun b’insam jukub’ ri reqam jun nim eqa’n chi awan kunb’al xriq pa 16 rech mayo ri’ kumal ri reqa’lenelab’ ri Marina rech ri Defensa Nacional pa 330 millas náuticas ri xriqitaj wi loq pa uwi le palow Océano Pacífico rech Iximulew ri’.
Ri xk’am loq pa le Comando Naval rech ri Pacífico ri’, k’o pa Puerto San José, Escuintla ri’.
Are chi’ xk’amataj loq ri jun ch’ich’ jukub’ ri’ sib’alaj xsolix kumal taq reqa’lenelabb’ ri Subdirección General rech Análisis rech Información Antinarcótica (SGAIA) rech ri Wokajil Ajchajin Tinamit (PNC) kuk’ reqa’lenel ri Taqawokaj Ajchajin Amaq’ Iximulew, ruk’ taq katob’anik ri ajq’atol tzij rech ri Ministerio Público (MP) ri’. Pa le usolixik xb’an chi la’ k’ut xriq chi upam 49 chi k’olib’alil ri’, ri k’o 1,500 chi pisob’alil ruk’ awan kunb’al ri’.
Xuquje’ xechap loq waqib’ chi winaqil ri’ ri b’enaq pa jun b’insam nim jukub’ ri’. Chi ke, e k’o oxib’ chi winaq e’aj iximulew, keb’ ecuatorianos ruk’ jun mexicano ri’. Eri nik’aj winaq ri’ xek’am b’i pa taq q’atb’al tzij chi rij taq ri k’ax xkib’ano rech kechomaxik.
Eri petinaq pa taq ri pisob’al ri’ are la’ xb’an retaxik kumal taq ri q’atb’al tzij ri’. Te k’u ri’ xkipiso b’i, xkikol b’i rech xkik’am b’i ri xtaq uporoxik kumal ri q’atb’al tzij. Ruk’ wari’ k’o jun nim kaq’atexik xb’an kumal taq ri narcotráfico pa rulewal aj iximulew ri’.