Pa Iximulew ri’ xmajtaj le Wuqq’ij B’anik Seguridad Vial ri’ pa lunes 18 k’a pa viernes 22 rech mayo rech pa junab’ ri’. Eri cholchak ri’ are utaqim ub’anik jun k’utuw b’anoj chajinem q’ateb’al k’ax, rech ya’ik uchuq’ab’ ri kichak ri taqawokajil, rech kub’sib’al kato’ik kachajixik ri winaqilal pa taq nimab’e ri’ rech kaq’atexik ri riqon k’ax pa le nimab’e.
Eri b’anowem chob’om chik kab’an pa le ferias viales pa rachoch tijob’al, pa ta k’uttijonem, pa taq tijzolil xuquje’ pa taq ya’ltzijol rech q’alib’al winaq ri’, jeri’ taq ri puqtzukunem rech q’ateb’al riqon k’ax pa taq nimab’exuquje’ pa taq le rajawaxik wi. Xuquje’ rech ujachik ri jun k’utb’al b’anow tiijonem rech reta’mab’al k’utb’e chi ke ajtijoneloab’ rech taq q’attijonem jacha ri rech taq bachillerato ri’.
Eri nab’e k’uttijonem ri’ are chi rij jun k’utuyeb’al ri xya’taj reta’maxik kumal e’ajno’jinelab’ rech ri Sección rech Educación Vial rech ri Departamento rech Tránsito rech ri Wokajil Ajchajin Tijnamit (DT-PNC) ya’tal chi ke ri ajtijonelab’ rech ri tijob’al ub’i’ Escuela Normal rech Varones 5ª.
Eri uq’ij ri tijob’enik ri’ are chi ke ri e’ajtijonelab’ rech kakijipij uch’ob’ik taq xuquje’ rech ya’talik ri utz taq chakub’alil chi ke taq ri e’ajtijoxel rech b’anik seguridad vial ri’.
Are wa’ xtaq ujaqik uwach
Eri viceministro rech Seguridad, Estuardo Solórzano, ri xk’amow ub’e ujachik uwach ri’, pa le sib’alaj xub’ij wi che ri utzijob’elil ri k’utb’al ri’ are rech ya’tal uchuq’ab’ taq ri eta’mab’alil chi ke ri e’ajtijoxel ri’ chi rij taq ub’anikil taq ri winaq pa taq ri nimab’e, chi rij taq ri k’olib’al rech kub’al k’u’x xuquje’ chi rij taq b’anow uq’atexik k’ax pa nimab’e ri’. Sib’alaj xub’ij k’ut che ri ya’el uwi rumumim ch’ich’ ruk’ ri maj unimaxik taq ri retal k’utb’e ri’ are la’ ri ub’anom e k’o k’ilaj taq winaq e kaminaq rumal ri’ pa Iximulew.
Rumal ri’, eri viceministra rech Educación Bilingüe xuquje’ Intercultural rech ri Ministerio rech Educación, Romelia Mo, xub’ij k’ut “eri k’utuyeb’al are ri’ le jun b’inib’alil ya’talik rech kaqab’an uj ri uchakuxik pa le nimaja tijob’al. Utzijoxik ri educación vial ri’ man xaq ta ri’ rech katzijox ri ub’anikil ri retal taq k’utb’e b’inik, xane’ are rech qas kaqab’an kuwenta rech kaqilo qib’ ri’”.
Eri Carlos Fuentes, taqanle rech ri DT-PNC, sib’alaj xub’ij che ri uchokonsab’al tijonem ri’ are ub’anikil ri jun k’utuyeb’al rech kakik’aslemaj ri e’ajno’chakunel rech chuwe’q kab’ij, chi ke ri e’ajb’insal taq ch’ich’, ri winaq kewa’katik pa taq nimab’e xuquje’ chi ke ri e’ajchomanelab’ ri’. “Pa taq le uwach no’jwujib’al ri’ kariqitaj wi ri eta’mab’al, ri no’jb’anikilem ri’ rech pa kub’al k’u’x kakik’aslemaj kib’ xuquje’ rech kakib’ano kuwenta pa taq nimab’e pa tinamit”, xcha’.
Eri wujqq’ij rech k’utuyeb’al ri’ are chomatal rumal ri DT-PNC pa le uq’ijol ri ya’ltzijolil pa juntir ub’anikil ri’ toq’im ub’anik rumal ri Organización rech ri Naciones Unidas (ONU) xuquje’ wokom ub’anik rumal ri Organización Mundial rech ri Salud (OMS) ri’. Xuquje’ are uwach ri Cholchakunem ub’i’ Plan Mundial rech ri Decenio rech Acción rech ri seguridad vial ri’, rech utaqim uq’atexik taq riqon k’ax pa taq nimab’e pa jun 50% ri’ rech pa 2030 ri’.