Kaq’ij kamik pa le Aeropuerto Internacional La Aurora ri’, xkoj ri chakuja rech ri División rech ri Policía Internacional Interpol-Guatemala, rech ri Wokajil Ajchajil Tinamit (PNC). Eri taqim ub’anik ruk’ are rech pa aninaqil kab’an ri ya’olchajinem chi ke ri winaqil e aj paxil kuk’ ri winaqil rech nik’aj chik tinamit are chi’ keriqitaj pa nik’aj chik nimatinamit, xuquje’ rech kakiya kitzijol ri winaqil che ri kesachik rech ketzukux pa aninaqil.
Pa le b’anowem ri’ xek’oji ri ri q’atb’al Tzij rech ri Subdirección General rech Investigación Criminal, rech Interpol Guatemala, rech Migración, rech Ministerio Público (MP) xuquje’ kuk’ ri cooperantes rech INL rech ri Embajada rech Estados Unidos rech América ri’.
Eri Interpol ri’ are kub’an ri solinem pa le terminal aérea ri’, rech kub’an tzukunem solinik, rech ke’uchap ri winaq k’o ri k’ax kib’anom xuquje’ katob’an kuk’ taq ri tinamit pa uwachulew.
Eri q’atb’al Tzij rech ajchajin tinamti xkib’ij che ruk’ ukojik ri chakuja ri’ are rech k’ax ta chik kub’an ri chak ri wokajilal ri’, rech kutaqij ub’anik ri ya’olchajinem pa taq ri nimatinamit.
Eri chakuja ri’ are kachakun k’ut chi paq’ij chi chaq’ab’ ri’ ri kechakun wi no’j taq ajchajinelab’ ke’ilon pa aninaqilem ri’.
Rajwaxik b’a’ kaketa’maj ri tinamit che ri Interpol kariqitaj pa 195 chi nimatinamit, rech pa komonchak ketob’an kuk’ ri q’atb’al Tzij rech taq tinamit rech kechap ri nik’an b’anol k’ax che kekamisanik, ri narcotráfico, ri kakib’an k’ax chi ke alitomab’ xuquje’ ixoqib’, xuquje’ ri kakib’an ch’ijom k’ax chak chi ke wianq xuquje’ ri molaj e b’anol k’ax.
B’iw kitzijol ri kesachik
Ri Interpol k’o waqxaqib’ uwach b’iw tzijol b’ixik wari’:
·Ri Alerta Roja (rech ketzukux winaq e sachinaq)
·Ri Alerta Amarilla (rech yab’al kitzijolil)
·Ri Alerta Azul (rech yab’al b’ixik uwi tzijol)
·Ri Alerta Verde (rech k’o yab’al b’ixik)
·Ri Alerta Negra (rech kil kitzijol e kaminaq chik)
·Ri Alerta Anaranjada (are chi’ kariqitaj pa k’ax)
·Ri Alerta Morada (rech b’ixik b’anob’al k’ax)
Utzijol ub’ixik rech je’l taq jastaq
Jeri’ pa le aeropuerto kariqitaj ri oficinas rech ri Subdirección General rech Análisis rech Información Antinarcótica (SGAIA), rech ri División rech Puertos, Aeropuertos xuquje’ Fronteras (Dipafront) ri’.