Ronojel q’ij ri’ eri reqa’lenel ri jalajoj wokajil rech ri Wokajil Ajchajil Tinamit (PNC) sib’alaj xetzukuxik ri nik’aj e ajb’anol k’ax che ri qas katajin katzuuxik ri’, eri jun chi ke ri’ are ri’ jun achi ub’i’ Francisco Jerónimo Pascual, k’o pa Paraje Chamcaja, Santa Eulalia, rech Chinab’jul ri’ kab’ixik k’o eleq’an winaq xub’an ri’, ruk’ nik’aj chik b’anoj k’ax ri, eri ri juk’al jun chi ke ri qas katajin katzukuxik kumal e ajchajil tinamit ri’.
Eri q’atb’al tzij xkib’ij ri’ che ri Pascual ri’ are taqom uchapik loq rumal q’atb’al tzij pa le 16 rech ik’ febrero rech 2021 ri’, rumal ri Q’atol tzij rech ri tinamti rech Santa Eulalia pa tinamit rech Chinab’jul ri’.
E pa ik’ mayo kanoq xya’ pa k’utem reta’maxik ri tzukunem katajin chi kij ri “Qas tajin katzukuxik”, are la’ jun cholpatan xtaq ub’anik rumal ri K’amal b’e Amaq’ Alejandro Giammattei, pa unimaxik ri uchak ri Ministerio rech Gobernación ruk’ ri uq’ab’ taq, rech kakowirsax ri chajinem winaqil ri’.
Eri q’alb’al tzij rech taqwokajil ri’ xkib’ij k’ut eri tzijol ri winaq che ri qas ketzukuxik are la’ k’o pa le página, https://losmásbuscados.mingob.gob.gt, jeri’ ri ya’el utzijoxik loq pa le 1561 ri’.