Pa jun b’anoj komonchak kumal reqa’lenelab’ ri Subdirección General rech Análisis xuquje’ Información Antinarcótica (SGAIA) rech ri Wokajil Ajchajil Tinamit, pa le kilómetro 20.5 nimab’e kab’e El Salvador ri petinaq pa uk’u’x nimatinamit ri’, chi’ xkichap wi loq jun achi ub’i’ Byron Alcides Berganza Espino, 63 ujunab’, are taqom uchapik loq rumal ri Q’atb’al tzij rech pa Nimatinamit rech Iximulew ri’.
Eri jun achi ri’ kab’ixik eri umak ub’anom are xutaq b’i 5 kilogramos chi awan kunb’alil rech cocaína ri’, ri maj pa usaqil xutaq b’i pa le nimatinamit norteamericano ri’.
Ri Berganza Espino, ub’inisam loq jun ch’ich’ ri uplakas P-308FGF, are chi’ eri xq’atexik kumal ri e ajchajil tinamit, k’o jun k’aqb’al marca zastava xriqitaj ruk’ 43 chi ub’aq’ kaqb’alil ri’ xriqitaj loq ruk’, xuquje’ reqam jun uch’a’wib’al ri’.
Rumal k’u ri’ xk’am b’i pa q’atb’al tzij ri jun a Rubencindo Galicia Lazaro 42 ujunab’, ajb’inisal uch’ich’ ri Berganza Espino, ri xq’alajinik che taqom uchapik rumal ri q’atb’al tzij pa le 29 rech enero rech ri 2002.
Ruk’ uchapik loq ri a Espino ri’ e k’o chik oxlajujuj e chapom b’i pa q’atb’al tzij ri’ rech ketaq b’i pa uq’ab’ q’atb’altzij rech jun chik nimatinamit naj ri’.