Pa ri komonchak xb’antaj rumal ri Ministerio rech Gobernación ri’ xuquje’ rumal ri winaqil xkiya’ utzijol ri’ chi ke ri reqa’lenel ri Wokajil Ajchajil Tinamit (PNC) xekowon xkichapo jun elaq’om pa le Cementerio General ri’.
Eri xchapataj ri’ xch’ob’otaj uwach ri’ eri ub’i’ are Nelson Yoel Herrera Ruíz, alias “El Guapo”, 25 ujunab’. Kab’ixik xriqitaj jun k’aqb’al ruk’, ruk’ wajxaqib’ ub’aq’ ri k’aqb’alil ri’, ri k’ot uwujil reqam ri’.
Eri Herrera Ruiz xq’alajinik k’o ub’anom ri’ k’a pa le 20 q’ij rech ik’ septiembre rech pa junab’ ri’, are chi’ kab’ixik xriqitajik reqam itzel kunb’al rech kutijo rumal ri’ xb’antaj kowonem ruk’ xchapatajik, rumal ri winaqil sib’alaj xkiya’ loq ub’ixik pa taq le redes sociales ri’, chi’ k’u ri’ xch’ob’otaj uwach che ri jun achi ri’ reqam jun k’aqb’al are la’ xukoj pa taq le b’anoj elaq’ chi ke ri winaq ri’ chi naqaj ri Cementerio General ri’.