Rumal xb’an uch’ob’ik ri k’ax katajin pa le uq’ab’ tinamit rech El Estor pa tinamit Izabal ri’ xkoj jo’ob’ k’olib’al ya’ltzijol rech q’atel k’ax chi la’ rumal ri Subdirección General rech Q’atel k’ax ri’ (SGPD) ri’ rech ri Wokajil Ajchajil Tinamit (PNC) rech xkiya’ utzijob’exik chi’ kumal ri q’atol tzij ri’.
Eri k’olib’alil xkoj chi la’ chi uwach ri Q’atb’al tzij rech pa tinamit ri’, pa okib’al El Estor ri’, pa okib’al Los Cerritos, pa le barrio El chupón, xuquje’ pa le barrio Las Crucitas. Pa le nab’e ri’ xe’il wi kab’lajuj chi taq ali, 36 chi ixoqib’ xuquje’ keb’ achijab’ ri’, pa le ukab’ chik xe’ilik e kajlajuj chi ixoqib’, 18 chi achijab’ xuquje’ wajxaqib’ chi taq ak’alab’ ri’, pa le urox ri’ xe’il wi kab’lajuj chi achijab’, oxlajuj chi ixoqib’, 18 chi taq ak’alab’ xuquje’ waqib’ chi taq ali ri’.
Pa le keb’ k’isb’al xe’il wi e b’elejeb’ taq ala, waqbi’ ixoqib’ xuquje’ waqib’ achijab’ ri’, xuquje’ pa le k’isb’al ri’ xe’il wi wuqub’ achijab’, jo’ob’ ixoqib’, 19 taq ala, wajxaqib’ taq ali, pa taq ri k’olib’alil ri’ xb’an wi kilik ri e ajtzijolinel rech chi la’ k’ut jeri’ pa Uk’u’x Nimatinamit ri’.