Aretaq xb’antaj k’i taq b’anoj tzukunem rech xetzukuxik ri winaqil e elaq’omab’ kakitoq’ij pwaq che jun ajb’anol k’ay ri’, eri reqa’lenel ri Wokajil Ajchajinelab’ e Ajq’atil Pandillas (DIPANDA) xuquje’ kuk’ ri Q’atol tzij rech ri Ministerio Público, we kamik k’o jun ixoq xkichap loq pa Bosques De Santa Faz, zona 06, rech ri Rulewal Tinamit Chinautla, kab’ixik rumal ajtoq’il pwaq chi ke winaq ri’.
Eri xchapataj loq are ri al Maglen Beatriz López Martínez 25 ujunab’ ri’, are kab’ixik taqom b’i uchapik rumal ri Q’atb’altzij rech ri kuq’at tzij chi kij e ajb’anol k’ax pa tinamit ri’.
Eri q’atb’altzij rech ajchajil tinamit xkiya’ loq utzijol che katajin utzukuxik q’alajisab’al rech ri b’anoj k’ax tajin kub’an ri’ eri tzukunik ri’ rech kutz’aqatisaj ri b’anoj tzukno’jchak chi rij b’anoj toq’inik pwaq chi ke ri e ajk’ayinel kumal ri Barrio 18 ri’.
Eri e ajtoq’ik pwaq chi ke winaq, tajin xkitoq’ij Q. 2,500 pa Q. 5 mil, chi ke taq winaq rech kekamisax ta kumal nik’aj b’anol k’ax ri’.
Eri b’anoj tzukunem ri’ are rech sib’alaj keq’atexik ri jun Clica Vatos Locos rech ri Pandilla rech ri Barrio 18 ri’.