K’o jun kak’al ixoq ruk’ le alaj ral xetzaq kanoq rumal jun taxista rumal ri majun winaq kawa’kat tane’ xutaq toq’ob’ chi ke ri PNC

 

E reqa’lenel ri Wokajil Ajchajil Tinamit (PNC) k’o jun q’apoj ixoq ruk’ ri laj ral xuta’o xuk’am b’i pa rachoch rumal xetzaq kanoq rumal jun taxista are xa’ xub’ij chik karaj xmajtaj ri kub’ij ri Acuerdo Gubernativo 06-2020 ri kataqonik rech majun winaq kawa’kat tane’ ri’, pa le uq’atexik ri jun yab’il COVID-19 ri’.

Eri q’atb’altzij rech ajchajil tinamit, iwir k’o jun q’apoj ixoq’ ruk’ ri laj ral xeta’ b’i kumal reqa’lenel ri Divisiòn rech ri Fuerzas Especiales rech ri Ajchajil Tinamit (DIFEP), aretaq xetzaq kanoq rumal jun taxista pa le calzada San Juan, zona 4 rech Mixco, aretaq xa’ jub’ik karaj xmajtaj ri majun b’anoj wa’katem kumal winaq ri’, rumal ri’ pa aninaqil eri e ajchajil tinamit xkik’am b’i pa rachoch pa le colona lo de Fuentes, zona 11 rech pa uq’ab’ tinamit chi la’.

Le q’apoj nan ri’ xub’ij eri ub’i’ ri are kab’ix Norma Chayac che, 24 ujunab’, kab’inik b’enaq uq’alum b’i jun alaj ral k’a te wuqub’ ik’ ute’t, ri are aj Quichè, xub’ij eri jun taxista che ri b’enaq che uya’ik pa rachoch xe’utzaq kanoq pa nimab’e ri’, rumal xub’ij che xa’ jub’ik chik karaj kamajtaj ri majun winaq kiwa’kat tane’ chik jacha’ ri kub’ij ri Acuerdo Gubernativo 06-2020, rumal ri’ xe’utzaq kanoq ri’.

Alerta de Corrupción

Ultimas noticias