Pa le nab’e taq 30 q’ij rech enero ri’, eri q’atb’al tzij rech ri Wokaj Ajchajinelab’ Ajq’atenel Pandillas ri’ (Dipanda) rech ri Wokajil Ajchajil Tinamit (PNC) xkiya utzijol che e k’o chik 43 chi winaqil e chapom chik rumal xkib’an toq’inik pwaq, b’anoj k’ax chi ke ixoqib’ xuquje’ rumal e k’o nik’aj xkiya ta kipwaqil kitzuqik kachalal pa kachoch, pa Izabal, Alta Verapaz, Chimaltenango, Jutiapa, Coatepeque xuquje’ Quetzaltenango, Quetzaltenango ri’; Mixco xuquje’ pa Villa Nueva, Guatemala ri’; pa Escuintla ri’, pa Jutiapa ri’, pa Santa Rosa ri’, pa Quetzaltenango ri’, Suchitepéquez xuquje’ pa Sacatepéquez ri’; xuquje’ k’ nik’aj chak patan xb’antaj kumal ri Sección rech Uterenb’exik Utzukuxik uwach Casos Especiales ri’ xuquje’ Sección rech Investigación ri’.
E k’o nik’aj achijab’ xechapataj ri’ are kib’i’ ri’ a Víctor Eduardo Siqué Arreola, 42 ujunab’ xuquje’ a Luis Alberto Vásquez Chacon, rumal k’o kimak ri’ pa le ub’inisaxik kich’ich’, rumal ri’ xechap pa zona 1 rech pa uk’u’x nimatinamit.
Eri Lidia Esperanza Torres López, 52 ujunab’, rumal xub’an toq’inik pwaq, xchap pa Santa Rosa ri’. Pa San Marcos xchap wi loq jun achi ub’i’ Fredy Adolfo López Maldonado, 35 ujunab’.
Rumal xub’an k’ax achk’ulaj chi re ri ixoq, xchapataj a Carlos Humberto Tecú Hércules, 42 ujunab’, pa le nimab’e okib’al pa le Japache’ rech Pavón, Fraijanes ri’.
Eri William Alexander Pérez Miranda, 27 ujunab’, rumal xuya’ ta kirajil rachalaj pa rachoch ri’ pa San Marcos ri’.
Pa le Tejar, Chimaltenango, rumal b’anoj ch’ijom k’ax chi ke winaq, xchapataj jun achi ub’i’ Eddy Alberto Baltodano Morales, 24 ujunab’ ri’.
Rumal b’anoj taq k’ax ri’ e k’o wuqub chi winaqil xechapataj ri’ xuquje’ e k’o keb’ e q’apojil xek’am b’i pa le Procuraduría General rech we Amaq’il (PGN) ri’.
Pa taq ri japache’ tz’apib’al ri’ e waqib’ xeriqitajik tajin kakib’an ri k’ax ri’.
Xuquje’ k’o nim tzukunem xb’antaj pa le japache’ tz’apib’al kech’ achijab’ pa El Boquerón ri’, chi la’ k’ut k’o xriqitaj wi loq jastaq k’o ri q’atb’al tzij chi rij ri’.