Eri jun winaq ub’i’ Andy Rene Soto Caballero, 30 ujunab’, xchapataj pa le 14 avenida 14- 21 colonia Santa Isabel II zona 03 rech Villa Nueva, kumal ajpuqchajinel rech ri División Especializada rech Investigación Criminal (DEIC) rech ri Wokajil Ajchajil Tinamit (PNC), aretaq ub’inisam b’i jun ch’ich’ pick up xa’ releq’am ri’.
Eri jun winaq xchapataj ri’ rumal k’o jun loq’ winaq xub’ij loq che k’o jun ch’ich’ reqam b’i 160 chi ch’ich’ k’olib’al wos, are xeleq’ax b’i kumal e k’i achijab’ aretaq xkiq’atej ub’i’ ri ajb’inisal ri ch’ich’ ri’.
Pa le ja k’olib’al kab’ixik, chi la’ xchapataj wi loq ri jun achi ri’ che ri xe’uk’am b’i k’i taq chi ch’ich’ k’olib’al rech wos xar rij taq, rumal k’u ri’ xq’atexik rech xsolix uwuj ri jun ajb’inisal rech, ri maj uwujilal reqam ri ch’ich’ k’olib’al wos rech xuloq’ tane’, rumal ri’ xsik’ix panoq ri achi xb’iw loq aretaq xopanik xuch’ob’ uwach ri jun achi Soto Caballero ri xriqitaj jun ch’a’wib’al ruk’.
Rumal k’u ri’ xk’am b’i pa q’atb’altzij ri’.