K’o k’iyalaj ub’aq’ k’aqb’alil raqom pa le Korlim Ya’olchajinem ri’

Eri Viceministro rech Ya’olchajinem rech ri Ministerio rech Gobernación, Gendri Reyes, xuya’ ub’ixik che pa oxib’ q’ij ri’ kojom chik ri Korlim Ya’olchajinik ri’ pa oxib’ uq’ab’ tinamit rech Tz’oloja’, eri reqa’lenel ri Wokajil Ajchajil Tinamit xuquje’ ri Q’atol tzij rech ri Ministerio Público k’o keb’ mil chi ub’aq’ k’aqb’alil uraqom ri’ che ri kojom kumal ri wokajil ajchajil tinamit.

Eri Reyes xub’ij e k’o 40 winaqil e chapom chik, “e are kab’ixik ri xeraqatajik ketajin pa b’anoj k’ax ri’, e k’o nik’aj chik rumal taqom kachapik loq rumal q’atb’altzij, e k’o nik’aj chik xechap loq rumal nik’aj chik kimak ri’”.

Pa taq le tinamit rech Santa Catarina Ixtahuacán, Nahualá xuquje’ pa Santa Lucia Utalán, we kamik eri tzukunelab’ rech ri wokajil ajchajil tinamit e taqom rumal ri q’atb’alzij pa b’anoj tzukunem ri’, rech sib’alaj kakilo ri toq’inik pwaq katajin chi’, rech kakilo jasche tz’apim ri nimab’e chi’, rech kakilo jasche kojom poq’sab’al chi ke ri winaqil ri’, xcha’ ri Viceministro rech Ya’olchajinem ri’.

“Eri b’anoj tzukunem ri’ chi ke winaqil e ajb’anol k’ax ri kakik’ayij k’aqb’alil pa awalik ri’ che ri kojom kumal ri e ajchajil amaq’”, xcha’ ri nim ajpatanel ri’.

Noticias Recientes