Pa k’isb’al q’ij kanoq, eri reqa’lenel ri Departamento rech Tránsito rech ri Wokajil Ajchajil Tinamit (DT-PNC) xkib’an k’i puqtzukunem pa taq nimab’e rech pa taq zonas rech Iximulew. Eri taqim ub’anik pa taq nimab’e are rech ka’ilik we kakinimaj utzij ri taqom unimaxik rumal ri Tránsito xuquje’ jacha ri b’anoj Utaqonib’al ri’, rech uq’atexik sokolpin taq ib’ pa taq nimab’e.
K’o jun nim q’atenik xb’an pa le nimab’e kab’e El Salvador ri’, rech uq’atexik taq ri awan rumumem kib’ e ajb’inisal ch’ich’ chi la’. Eri wokaj chajin tinamit xkib’an ri kilik ri e ajb’inisal ch’ich’ xuquje’ k’o lajuj chi tojb’al xkikoj chi la’ k’ut, eri tojb’al xkikoj chi la’ are rech Q25 mil ri’. Are rumal man xkinimaj ta utzij taq ri retal nimab’al kojom pa nimab’e ri’ xuquje’ rumal xekanimajik, rumal xkirumumij kib’ maj ri placas keqamri kich’ich’, maj kiwujilal keqam tane’, rumal kikojom uqul ri kich’ich’ xuquje’ rumal xek’oji pa awan etz’anem rumumik chi la’.
Eri Ministro rech Gobernación, Francisco Jiménez, sib’alaj xub’ij chi k’o nim upatanib’al ri b’anoj taq puqchajinem tzukunik ri’, ri xb’an pa nimaq’ab’ ri’ rech uq’atexik ri rumumem ib’ pa nimab’e ri’ pa awalik, rumal k’ut ar la’ jun k’ax kub’an pa tinamit ri’.
Xuquje’ xkoj chi’ jun uk’olib’al chajinem q’ateb’al rech xolin taq ch’ich’ ke’ok’ow pa le kilómetro 72 rech ri nimab’e ub’i’ ruta CA-2 Occidente, pa Escuintla. Chi la’ k’ut xkoj wi pa ronojel 72 chi tojob’al chi ke ri e ajb’inisal ch’ich’, kejach’ich’ xuquje’ ri nima’q taq ch’ich’ rumal k’o ri kimak xkib’ano, rumal maj kiwujil keqam rech kakib’inisaj ri ch’ich’, rumal maj uplacas keqam ri kich’ich’, rumal keqam taj chokonsab’al rech ri ch’ich’ xuquje’ rumal kakinimaj ta tzij are chi’ kakimin uwi keqa’n.
Eri taqanel rech ri Departamento rech Tránsito rech ri PNC, Jhonatna Hernández, ri ajsolinel rech ri puqchajinem tzukunik xb’an ri’, xub’ij k’ut eri tzukunem q’atenik ri’ are la’ man katanab’ ta ub’anik pa taq ri nimab’e rech pa qatinamit rech ya’ik uchuq’ab’ ri b’anoj chajinem pa taq nimab’e. xuquje’ xub’ij eri katob’anik ri wokaj chajin tinamit kuk’ ri winaqilal are k’o nim upatanib’al rech uq’atexik taq solkopin ib’ pa taq nimab’e rech maj riqon k’axk’ab’em q’oxomal.