Eri kaq’atexik ri nuk’wokaj e ajb’anol k’ax ri’ are la’ xq’alajinik pa le uriqik ri awan kunb’alil, ri pwaqil xriqitajik xuquje’ ruk’ ri kichapik ri ketaq b’i pache’ q’atb’al tzij rech naj nimatinamit ri’.
Eri ub’e’al q’atenik ri’ are la’ xutaq ub’anik rumal ri Ministerio rech Gobernación (Mingob) pa le reqe’lenik ri quinto viceministerio Antinarcótico ri’ pa le nab’e kajib’ puq ik’ rech ri 2022, are ri’ xuya’ pa retalil xb’antaj kowonem k’o jun utzalajq’atenik xb’an chi ke ri narcotráfico pa we qatinamit.
Eri rajilab’alil xya’taj rumal ri Subdirección General rech Ajtzukun Utzijol rech Q’ateb’al Awan Kunb’alil (SGAIA) ri’ rech ri Nimawokajil Ajchajil Tinamit (PNC) ri’, pa le nab’e q’ij rech enero pa le keb’ q’ij rech mayo rech ri junab’ ri’, riqom chik 1 189.30 upajb’alil ri cocaína ri’ eri rajil are Q122 190 814.65 chi nim pwaqil ri’; xuquje’ xq’atexik xporoxik ri’ 1 239 964 raqan ichaj tiko’n rech marihuana ri’ eri rajil are Q464 986 500 chi nim pwaqil ri’ xuquje’ xq’atexik ri tiko’nib’al ri’ 8 667 350 raqan ichaj tiko’n rech amapola ri’ eri rajil are Q216 683 750 chi pwaqil ri’, ruk’ nik’aj chik.
Eri rajilab’alil ri jalajoj uwach awan kunb’alil ri’ eri rajil riqom chik are Q809 361 315.78 chi pwaqil ri’.
Eri e chapom chik
Eri puqchajinem rech q’atenik awan kunb’alil ri’ are la’ xuya’ pa retal rech xb’antaj kowonem xechapatajik e oxlajuj chi winaqil ri’ rech ketaq b’i pache’ tz’apib’al q’atb’al tzij pa Estados Unidos rumal narcotráfico ri’, xuquje’ xb’antaj kowonem xechapatajik ri’ e 556 chi winaqil pa taq b’anoj tzukunem ri’.
Chi ke ri xechapataj ri’, k’o jun chi ke ub’i’ Juan Luis Ortiz López, uchak ri jun kab’ix che alias “Chamalé”, ri xchap b’i kumal reqa’lenel ri Subdirección General rech Ajtzukun Utzijol rech Q’ateb’al Awan Kunb’alil (SGAIA) ri’ pa le Fuerza Aérea Guatemalteca (FAG) k’a pa San Marcos ri’, pa le Rachoch Japache’ Tz’apib’al kech Achijab’ Motomoros, pa zona 1 ri’.
Eri pwaq xriqitajik
Eri q’atb’al tzij xkitzuj ri’ che xriqitaj ri’ Q1 891 324.10 chi pwaqil ri’; US $444 321 chi pwaqil ri’ xuquje’ 37 250 pesos mexicanos ri’, xuquje’ 9390 euros ri’; 2 602 000 pesos colombianos ri’ xuquje’ 864 lempiras ri’.
Xuquje’ xriqitajik 61 chi k’aqb’alil ri’, 1 650 chi ub’aq’ k’aqb’alil, 123 chi ch’ich’ ri’, xuquje’ xriqitaj jun nimaja awam rech b’anob’al awan kunb’alil xuquje’ jun xik’ach’ich’ ri’. Pa ronojel eri jastaq xriqitajik eri rajil are kopan pa Q. 206 017 350 chi pwaqil ri’.
Pa ronojel k’ut ri pwaq, ri jastaq xuquje’ ri awan kunb’alil riqom chik eri rajil are kopan pa Q1 020 millones 959 889.88 chi pwaqil ri’.
ERI PWAQ RIQOM
K’o Q809 361 315.78 chi pwaqil riqom ri’ are ronojel rajil ri awan kunb’alil riqom ri’.