K’a pa le nab’e q’ij rech enero k’a pa le oxib’ q’ij rech agosto ri’ rech pa we junab’, xb’antaj le rilik k’o chik nimalaj riqoj jastaq kunb’alil riqom kumal ri reqa’lenel ri Subdirección General rech Análisis rech Información Antinarcótica (SGAIA) rech ri Wokajil Ajchajil Tinamit (PNC) pa reqele’n ri Quinto Viceministerio rech Gobernación pa reqele’n ri Viceministro Fernando Maonolo Rodas De León eri riqoj ri’ are kopan pa Q2,370,801,796.02 chi pwaqil ri’.
Eri juntir ri ajilam uwach ri riqom ri’ k’a we kamik are kopan pa 4,576.95 rech upajib’al rech Cocaína ri’ eri rajil are kopan pa Q 470, 244,011.91 chi pwaqil ri’, xuquje’ k’o 9.08 kilos rech Metanfetaminas eri rajil are kopan pa Q 136,165.80 chi pwaqil ri’, k’o 5.29 kilos rech Crack xriqitajik eri rajil are kopan pa Q376, 903.26 chi pwaqil ri’ xuquje’ k’o 0.17 kilos rech Heroína xriqitaj ri’ eri rajil are Q 65, 642.98 chi pwaqil ri’.
Xuquje’ pa wuqub’ ik’ rech pa junab’ ri’ k’o chik 23 chi toneles ruk’ oxib’ k’olib’al rech awan kunb’alil xriqitajik eri rajil are Q 3, 630,546.00 ri’.
Xuquje’ riqom chik pa ronojel ri’ 14 millones 422,344 chi raqan ichaj tikolil rech Amapola ri’ eri rajil are Q 360, 558,600.00 chi pwaqil ri’; k’o keb’ millones 380, 253 raqan tiko’n rech Marihuana xriqitajik, eri rajil are kopan pa Q 892, 594,875.00 chi pwaqil ri’ xuquje’ k’o 934, 690 chi ichaj tiko’n rech Coca xriqitajik eri rajil are Q 9,346,90.00 chi pwaqil ri’.
Eri e ajchajil tinamit winaqil kiriqom chik kuk’ ri narcotráfico ri’ oxib’ nimaja awam ri’ ri xriqitaj jastaq chakub’al chi upam ri’ eri rajil are Q 600,000,000.00 chi pwaqil, k’o 233 chi ch’ich’ jalajoj umarcas ri’ xuquje’ eri rajil are Q 6, 990,000.00 chi pwaqil ri’; e k’o 7 chi xik’ch’ich’ ri’ eri rajil are Q 14, 000,000.00 chi pwaqil; ruk’ 3 nima jukub’ ri’eri rajil are Q 300,000.00 chi pwaqil; ruk’ 202 chi jalajoj uwach chi k’aqb’alil eri rajil are Q1, 010,000.00 chi pwaqil; ruk’ 9,708 ub’aq’ k’aab’alil ri’ eri rajil are Q Q29, 124.00 chi pwaqil; ruk’ 271 chi tolvas eri rajil Q 81,300 chi pwaqil xuquje’ ruk’ jun granada ri rajil are Q 300.00 chi pwaqil ri’.
Aretaq xajilaxik janik’pa’ chi pwaq riqom chik kuk’ ri e narcotráfico ri’ are ri’ Q 6, 163,671.45 chi pwaqil, eri dólares americanos k’o 232,376.00 chi pwaqil ri’, eri pesos mexicanos k’o 2, 837,878.00 chi pwaqil ri’, eri euros k’o 11,220.00 xuquje’ eri lempiras k’o 2,609.00 chi pwaqil ri’.
Eri SGIA, xub’ij che ri rumal xeriqitaj pa narcotráfico ri’ we kamik e chapom chik, 1,172 chi winaqil xuquje’ e k’o 30 chi winaqil xechapataj ri’ rech ketaq b’i pache’ pa nimatinamit k’o naj ri’ xuquej’ e k’o e kajib’ chik chi winaqil xechapik rumal jalajoj ri k’ax kib’anom ri’.