K’o Q 350,000.00 xuquje’ k’aqb’alil xriqitaj pa b’anoj tzukunem pa Escuintla ri’

Pa nab’ejil eri rajtzijolinel ri Wokajil Ajchajil Tinamit (PNC) Edwin Monroy xuya’ utzijolil che pa taq ri b’anoj tzukunem ya’olchajinik xb’antaj pa rulewal tinamit rech Escuintla pa ronojel k’o Q 350,000.00 chi pwaqilem ruk’ nik’aj chik jastaq ri’.

Xuquje’ ruk’ ri pwaq ri’ kab’ixik k’o k’aqb’alil xriqitaj ri’ maj pa usaqil ri’.

Xuquje’ eri rajtzijolinel ri ajchajil tinamit xub’ij ri’ che katajin na ri b’anoj tzukunem ri’ pa taq rokib’al pa tinamit Escuintla chi’ k’u ri’ are xsolixik kuwjil ri winaqil ke’ok’ow chi’ xuquje’ rech xilik we man k’ot jun winaq tane’ taqom uchapik ri’.

Ronojel ri tzukunem kumal ri ajchajil tinamit ri’ are katajin relik loq k’a le uk’u’x uk’olib’al ri Comando kojom pa Gobernación Departamental ri’ xuquje’ k’a te na kaya’ chik utzijol ri kuk’is uwach ub’antajik chi’.

Noticias Recientes