K’o jun Q1 millón chi pwaqil rech jalajoj taq tinamit xriqitaj loq kumal ajtzukunelab’ rech ri Wokajil Ajchajin Tinamit (PNC), pa jun nimaja k’olibal xtzukux upam pa le zona 3 rech Xe’laju’, pa kemonchak kuk’ ri q’atol tzij rech ri Ministerio Público (MP).
Eri nik’aj xechap ri’ e’are ri’ al Elvira “N”, 60 ujunab’; a Marco “N”, 69 ujunab’; a Carlos “N”, 25 ujunab’; a Erick “N”, 40 ujunab’ xuquje’ al Leticia “N”, 39 ujunab’, ri xechap k’ut are chi’ xb’an ri puqtzukunem. Are chi’ xechapik, eri nik’aj winaq ri’ xek’am b’i pa q’atb’al tzij chi rij ri k’ax xkib’ano.
Eri wokajil ajchajin tinamit xkiya utziol che xriqitaj ri’ k’o Q1 millón 9 mil 921 chi pwaqil b’otolik, job’ kemtz’ib’ab’al, jun ch’ich’ karajilab’al chi pwaqil, ruk’ k’ilaj uwach taq wujilal, xuquje’ ruk’ 20 chi ch’aweb’alil ri xpis b’i rech kaq’alajisax uwach, jeri’ ruk’ b’elejeb’ chi ch’ich’ kab’insaxik.