Ruk’ ri ukojik le Estación 73-3 xuquje’ le Subestación 73-3-1 rech ri Wokajil Ajchajin Tinamit (PNC) pa Tecpán, Chimaltenango ri’, xya’taj uchuq’ab’ ri wokajilal ri’ rech b’anow chajinem winaqil. Eri wokom rachoch ri’ are xb’antajik rech kaloq’axik ri kichak e’ajchajin tinamit xuquje’ rech kub’an utzil che ri puqtzukunem chi la’ k’ut.
Pa nimaja k’olib’al ri’ xuquje’ xkojik le jun Oficina rech Kechomaxik le Winaq e Víctima, chi la’ k’ut e k’o ixoqib’ kechajinik kakichomaj ri winaq che ri kiriqom k’ax pa juntir ub’anikil ri’. Are la’ ri nab’e b’anow chak kakimaj ub’anik ri’ rech kechomanik kuk’ nik’aj chik wokajilal pa tinamit.
Xuquje’, kojom k’o jun Oficina rech Kechomaxik ri Winaqilal ri’, ri rech taqachak, ri rech uk’olib’al k’aqb’al q’aq’, k’o uwarb’alib’al, uch’ajomab’al, tijob’al wa, ri b’anob’al chulaj xuquje’ itinib’al. Xuquje’ k’o ri kekol wi ri radiopatrullax xuquje’ ri kejach’ich’ rech chajinb’al. Eri nik’aj ch’ich’ ri’ are la’ kakojik rech uya’ik uchuq’ab’ ri puqtzukunem kuk’ ri e’ajchajinel pa uq’ab’ tinamit ri’.
Xjaq uwach kumal q’atb’al tzij ri’
“Eri b’anow k’ak’ chajinem ri’ are kutoq’ij ri k’ak’ taqanem, ri k’ak’ kemchakub’alil, ri kemonchak, ri kowonib’al rech ub’anik uq’alajisaxik xuquje’ rech uq’atexik ri k’ax ri’. Wa’ ri’ are rajawaxik keyak nik’aj chik k’olib’alil, ri rech kuchomax ri rajawaxik chanim pa amaq’ tinamit”, xcha’ le ministro rech Gobernación, Maroc Antonio Villeda, ri are xuk’am ub’e ub’anik ri b’anowem ri’.
Sib’alaj xub’ij k’ut are taq eri Amaq’ kuya uchuq’ab’ ri utaqawokajil are junam ruk’ are kuya tane’ jun b’iw ub’ixik rech kakub’ kik’u’x ri winaqilal. “Eri jujun taq comisaría che kuya jun uchuq’ab’ ri’ rech k’o jun kutaq ub’ixik pa saqil ri’: Le Iximulew ri’ man kuya ta rib’ ruk’ ri’ rumal k’o b’a’ jun wokajilal ri kakowon che utz ub’anik xuquje’ che ri Amaq’ ri’ chi karaj kub’an ri utzilem pa le wokajil PNC” ri’, xcha’.
Eri Villeda xutoq’ij ub’ixik chi ke ri e’ajchajin tinamit e k’o pa le rachoch ri ja chakub’al ri’ rech kechakun b’a’ ruk’ no’jchakunem ri’, ruk’ ronojel kanima’, pa jikomal xuquje’ rech kek’ejeb’ chi kinaqaj ri winaqilal. “Ri jujun ub’ixikil ri’ are la’ retalil jun nimachak kakib’an ri’, jacha tane’ rech kakib’an jun utz kutb’alil chi ke ri ab’om alitom, rech kakiya kub’al k’ux’ xuquje’ rech kakiya ri joremal b’anikil chi ke taq ri winaqilal”, xcha’.
Presencia policial
Rumal ri’, eri k’amal b’e rech ri PNC, Davis Custodio Boteo, xub’ij rumal xkojik ri ja chakub’al rech chajinem pa tinamit ri’ are junam ruk’ ri nimachak kumal ri wokajil chajin tinamit, ruk’ kub’alil, ya’ik ri joremal chi kuxo’l ri winaqil xuquje’ rech kanimax uchajixik ri ya’talil chi ke ri winaqilal e’aj iximulew ri’.
“Eri jujun taq nimaja yakom pa rachoch chajinem ri’ are rech kaloq’axik uwach taq ri kichakunik ri jujun taq reqa’lenelab’ ri #PNC, rech kaya’ik uchuq’ab’ ri uchakunik ri wokajilal ri’ rech kukub’isaj ri kilik ri kachajixik ri winaqilal ri’”, xcha’ ri a Custodio Boteo.
Pa le b’anow ujaqik uwach ri’ xk’oji le viceministro rech Seguridad, Estuardo Solórzano: le viceministro Administrativo, Kelvin Aguilar; le viceministra rech Prevención rech ri violencia xuquje’ ri Delito, nan Mayda De León; le k’amal b’e rech ri PNC, David Custodio Boteo; le gobernadora departamental rech Chimaltenango, María del Tráncito Calán xuquje’ ri ajkalte rech ri tinamit Tecpán, Flaviano Salomón Díaz, jeri’ kuk’ nik’aj chik q’atb’al tzij ri’.