K’o k’i uxaq wujil ri qaraj k’o 500 chi rajilab’al chi ch’awib’al kech winaqil che ri tajin b’anoj k’ax toq’inik pwaq chi ke, are retalil b’anoj k’ax ri’ xraqataj pa jun upam ri japache’ tz’apib’al kech achijab’ rech ri zona 18.
Eri b’anoj tzukunem xb’an pa wokajil japache’ ri’ kumal ri reqa’lenel ri Fuerza Elite xuquje’ rumal ri Inspectorìa rech ri Sistemam Penitenciario (SP), rumal ri Inspectoría General rech ri Nimawokajil rech ri Ya’olchajinem pa Qatinamit xuquje rumal ri Nimwokajil Japachunb’al rech Q’atel Pandillas (DIPANDA). Pa le japache’ tz’apib’al ri’ e k’o oxib’ chi ch’awib’alil xuquje’ rajilab’alil okib’al pwaq pa pwaqb’al ja ri’.
Eri Luis Rodolfo Escobar, k’amal b’e rech ri SP, xuya’ utzijol che ri b’anoj tzukunem ri’ are wa’ katajinik rumal xtaq ub’anik rumal ri Viceministro rech Seguridad, Gendri Reyes, rumal ri e k’o k’i winaq xkib’ij panoq pa awalik ri’, “eri retal ri ch’awib’alil che ri e ch’awinaq panoq chi’. Eri b’iw ub’ixik kumal ri winaqil e aj iximulew ri’, jeri’ kumal ri e ajpatan pa tinamit che ri b’anom k’ax chi ke ri’”, xcha’.
Eri b’anoj tzukunem ri’, kumal reqa’lenelab’ ri SP xkisolij chi kijujunal ri e ka’k’al waqlajuj (56) chi e q’apoj pandilleros che ri e tz’apil chi’.
“Man k’ot b’a’ jun kaqaq’i’o ri b’anoj k’ax tane’ kumal ri e tz’apil pa japache’, eri e are kakeche’ej ri jun k’ax yab’il rech ri COVID-19 che ri katajinik rech kakib’an b’anoj k’ax ri’, emu wa’ ri’ are qas k’o pa kaq’atexik qumal rech majun winaq ke’utzij tane’ nik’aj chik winaq ri’”, xcha’ ri Escobar.