Eri puqchajinem tzukunik ri’, rech uriqik uporoxik ri tiko’nib’al rech awan kunab’al sib’alaj xb’antaj ri’ kumal reqa’lenel ri Subdirección General rech Análisis rech Información Antinarcótica (SGAIA) rech ri Wokajil Ajchajil Tinamit (PNC), pa komonchak ruk’ ri Wokaj Ajchajil Amaq’il Iximulew, xkib’an k’ut utzalaj kaq’atexik ri narcotráfico pa rulewal qatinamit.
Rumal ri’, eri reqa’lenelab’ antinarcóticos kuk’ ri ajchajil amaq’ xkiporoj k’ut 40 mil 399 chi raqan ichaj marihuana xuquje’ 887 mil 600 chi ichaj tiko’n rech coca ri’, eri keb’ uwach tiko’n awan kunab’al ri’ are raqarik chik raqan. Eri awan kunab’al xporoxik eri rajil are Q124 millones 025 mil 625 ri’.
Eri tiko’nib’al awan kunab’alil are la’ xriqitaj kumal ri wokaj ajchajinelab’ pa taq ri k’ache’laj rech ri caserío San José Siguila rech Momostenango, Chuwi’meq’ina’ ri’; pa le caserío Arenales rech Livingston, Izabal ri’; xuquje’ pa le caserío El Calvario rech San Luis, Petén ri’.
Eri poron tiko’n rech marihuana, ri rech coca xuquje’ ri rech amapola ri’ are ch’ xmajtaj enero ri’ pa le lajuj q’ij rech marzo rech pa junab’ ri’, b’anom chik kowonem q’atim ri narcoactividad ri’ eri rajil are Q299 millones 326 mil 455 ri’.