Eri reqa’lenel ri Wokaj Ajchajil Ajk’ache’laj (Diprona) rech ri Wokajil Ajchajil Tinamit (PNC) xkib’an k’i taq tzukunem pa taq k’olib’alil pa Nimatinamit rech Iximulew. Rech xtaqixik uq’atexik ri k’ayin awan saqchaj pa taq le uq’ijol ri nimaq’ij rech alaxib’al ruk’ jalb’al junab’.
Eri wokajil ajchajil tinamit xkikoj ri k’olib’al ya’olchajinem ri’ rech xkib’an le rilik we man k’ot saqchaj k’amom b’i pa taq ch’ich’ ri’, rech kilik we kojom saq umarchamos rech ya’talik kak’ayixik. Xuquje’ rech kachajixik we uq’ab’ taq, ukotz’ijal xuquje’ uche’al ri che ri’ awam uk’ayixik.
Xuquje’, xya uchuq’ab’ ri ya’olchajinem pa tinamit kumal ri reqa’lenel chajin tinamit rech kakiklo we man e k’ot winaq taqom kichapik xuquje’ rech kilik we man k’ot awan jastaq k’amom b’i pa taq ri ch’ich’.
Eri tzukunem chajinik ri’ are la’ tajin ub’anik pa Chimaltenango, Chinab’jul, pa Jalapa, pa Escuintla, pa San Marcos, pa Chuwi’meq’ina’ xuquje’ pa taq nik’aj chik k’olib’al k’o pa le Plan Estratégico 06-2023 ri’. K’a pa le 25 rech noviembre, eri K’amal B’e Amaq’ Iximulew pa reqele’n uchak ri Ministerio rech Gobernación (Mingob) ri’ xub’an nimchajinem tzukunik rech uto’ik uwach ri saqchaj ri’ rech xaq ta ya’tal tane’ kak’ayixik.