Pa konojel ri’ eri winaqil che ri xechapik pa le maj b’anoj wa’katem pa amaq’ jacha’ kub’ij ri decreto 6-2020 pa le 22 pa 26 rech marzo ri’, eri q’atb’altzij rech ri Wokajil Ajchajil Tinamit, e k’o 2 mil 652 chi winaqil kichapom chi loq, chi’ k’u ri’ eri xechapik e k’o 73 che alab’om chi ke, e k’o 2 mil 579 e ri’j winaq ri’ xuquje’ e k’oi 184 chi ixoqib’ ri’.
Eri comisarías che ri qas e chapom e k’i winaq ri’ are pa le Comisaría 43 rech Chinab’jul chi e chapom 222 ri’, terenb’em rumal ri Comisaría 31 Escuintla ruk’ 205 ri’, pa Comisaría 71 pa Quiché e k’o 201 ri’, pa le Comisaría 51 rech Cobán e k’o 184 ri’, pa le Comisaría 73 rech Chimaltenango e k’o 137 ri’ xuquje’ pa le Comisaría 42 rech San Marcos e k’o 120 e chapom ri’.
Eri q’atb’altzij xkiya’ utzijol eri qast k’o e chapom ri’ are pa le rech ri 61 rech Puerto Barrios ruk’ 61 ri’ xuquje’ pa 44 rech Chuwi’meq’ina’ chi’ e k’o 20 e chapom ri’ pa le maj b’anoj wa’katem ri’, le xutaq ukojik rumal ri K’amal b’e Amaq’ Alejandro Giammattei rech pa le uq’atexik ri COVID-19 ri’.