Are rech nab’ejsab’al uq’atexik ri k’ax ri’, are rech uq’atexik ri jun yab’il ub’i’ coronavirus, are wa’ katajin che upatanixik ri Subdirección General rech Salud Policial, pa jun wujtzijol chi rij jun yab’ilem ri’ chi ke reqa’lenelab’ ri Wokajil Ajchajil Tinamit (PNC).
Eri wujtzijol ri’ are xjach chi ke reqa’lenelab’ ri Comisaría 13 xuquje’ are kajach na pa taq k’olib’alil ya’olchajinik pa tinamit ri’, are rech ketzijob’exik ri winaqil chi rij upetib’alil jun yab’il ri’.
Rumal ri’ sib’alaj katajin upixb’axik pa le wujtzijol ri’: che rajawaxik b’a’ kaqach’ajo ri qaq’ab’ pa xab’on ruk’ ja’, kaqakuch b’a’ ri qatza’m xuquje’ pa qachi’ aretaq kojt’ixa’manik xuquje’ kaqakojo b’a’ su’t rech wuj, maqatun b’a’ qib’ kuk’ winaq k’o b’arb’atem chi ke, utz ub’alik ri ti’ij kaqab’ano, xaq meqachapo ri awaj e tz’apilik.
Xuquje’ are katajin ya’ol ub’ixik ub’anikilri yab’il ri’, jas ub’anik uk’amik utzijik ri’, chinaq winaq che ri qas k’o ri yab’il chi ke ri’.