Are wa’ rech taqim uq’atexik riqow k’ax pa taq nimab’e, rumal ri’ eri Departamento rech Tránsito rech ri Wokajil Ajchajil Tinamit (PNC), k’o ya’olchajinem ri’ rech k’o kub’sib’al k’u’x ri b’enam pa taq le nimab’e kab’e pa Atlántico, chi’ k’u ri’ kab’an chi ke ri e ajb’inisal ch’ich’ rech man kakirumumij ta kib’ ri’.
Man xaq ta ri’ k’o ya’olchajinem kab’an pa taq nimab’e Interamericana ri’, chi’ k’u ri’ eri reqa’lenel ri wokajil ajchajil tinamit ri’, tajin kurilo che ri e ajkejch’ich’ ri’ man k’ot winaq kakititz’ chi rij taq ri kejch’ich’ ri’ xuquje’ rech majun chi ke ri kejch’ich’ xa’ eleq’am tane’ ri’.
Pa nimab’e ri’, katajin kasolixik ri e ajb’inisal ch’ich’ rech erelwinaq ri’, rech kakinimaj ri b’anoj rilik ri kub’sib’al k’u’x ri’, rech uq’atexik ri’ ri jun itzel yab’il rech ri covid-19 ri’.
Jeri’ le kasolxik ri ch’ich’ ri’, rech e utza b’a’ e k’olik, rech man k’ot xaq kapilin raqan tane’ ri’, ri are wa’ ke’uya’o pa k’ax ri kik’aslemal ri winaqil e ajb’inisaxel ri’.