Pa le uq’ijol rech ub’anik taq ya’ik uchuq’ab’ ri kemon tob’anik pa taq ri japache’ tz’apib’al, eri k’amal b’e rech ri Wokajil Japache’ Tz’apib’al (DGSP), a Jorge López Dellachiessa, xtatb’enik pa le nim riqon ib’ rech le Red rech Cooperación Penitenciaria rech América Latina (REDCOPEN), taqim upatanexik rumal le programa EL PAcCTO 2.0 ri are la’ xb’an pa Asunción, Paraguay, rech le 10 pa le 12 rech junio ri’.
Pa le riqon ib’ ri’ xkimol wi kib’ le ajchomanelab’ rech taq ri wokajil japache’ tz’apib’al rech k’ilaj taq tinamit amaq’ib’ rech xtaqixik ri b’anow kemon uq’atexik taq ri k’axk’olil pa tinamit ri’, rech kaq’atexik ri b’anow k’ax pa japache’ tz’apib’al ri’. Pa le riqon ib’ ri’ xchomaxik xjuch’ uwach le wujilal rech Memorándum rech Entendimiento ri kutaq ub’anik le riqon ib’ pa wokajilal ri’, xuquje’ xu’ tane’ xtaq ucholib’al uchakuxik xuquje’ xtaq ub’anik le nab’e Kemon K’amal B’e ri’, pa le ub’anik nim uchuq’ab’il ri chak ri’ rech ya’ik uchuq’ab’ le kemon tob’anem pa rachoch japache’ tz’apib’al pa taq tinamit.
Pa le uq’ijol ri chak ri’, eri jupuq e’ajtatb’enelab’ chi rij wari’ xkib’an le rilik kaminik kib’ kab’an ri nik’aj molaj b’anol k’ax pa taq japache’ ruk’ ri ub’anikil ri chak taqom ub’anik kumal taq ri amaq’ib’ rech kaq’atexik ri k’ax.
Jeri’ xkib’an le rilik rech ya’ik uchuq’ab’ taq ri b’anon ya’olchajinem, pa kemon tob’anik kumal taq nimatinamit rech uq’atexik uchuq’ab’il ri nuk’molaj b’anol k’ax pa taq ri wokajil japache’ tz’apib’al.
Are uwach taq ri chomam pa le riqon ib’, eri ajtatb’enelab’ xekowonik xkib’an uwokik le jun wujil rech b’anow puqtzukunem pa taq tinamit rech utzilaj ub’anik ri’, eri wujilal ri’ chi upam kub’ij ucholajil ri chakub’al kakojik pa le b’anow chajinem ruk’ ri sak’ajil tzukno’jchak pa japache’ rech uq’atexik ri k’ax, rech kesax kachuq’ab’ ri molaj b’anol k’ax ri’.
Le ch’ob’otal chak ri’ are kutaqij ya’ik uchuq’ab’ ri kemonchak kumal taq ri amaq’ib’ rech nim kachajixik ri wokajil japache’ tz’apib’al chi uwach taq ri k’axk’olil kaxib’ib’an pa tinamit, pa le b’anow utzijoxik, le puqtzukunem b’anom xuquje’ ri chak rech chajinik b’anom rachoch japache’ tz’apib’al.
Pa le riqon ib’ ri’ xetatb’enik e 16 chi wokajilal, 15 chi jupuq ajtaqo’n rech q’atow tzij rech Iximulew, Argentina, Brasil, Chile, Colombia, Costa Rica, Ecuador, El Salvador, Honduras, México, Panamá, Paraguay, Perú xuquje’ rech Uruguay, xuquje’ e k’o ajchomanelab’ rech ri Consejo Nacional rech ri Primera Infancia, Niñez xuquje’ Adolescencia (CONAPINA) rech El Salvador ri’.