Le ya’oltziolinem ub’i’ “B’anob’al Paqab’sab’al Ya’olchajinem xuquje’ ruk’ kipatanil ri e’ajchoq’e wokajil ri’” ri xb’an kamik, are jun tzijonem chomanik kumal ri taqawokajil kuk’ ri e’ajchoq’e wokajil, r xkijach wi ub’ixikil ri chajinem b’anom pa taq le q’ij ri’ pa le utaqanik ri k’amal b’e nimatinamit. Are la’ xuya pa retalil xb’an utzijob’exik ri tzijol ri’, rech b’anik rilik ri k’axk’olil k’olik, rech uq’atexik ri b’anoj k’ax pa Iximulew.

Eri Ministro rech Gobernacióin, Francisco Jiménez, pa le utzij xub’ano, sib’alaj xub’ij chi k’o nim upatan runimal ri cholchak pa le Taqawokajil rech Ya’olchajinem pa Amaq’, pa le kachajiixik ri winaqlal, pa le uq’atexik taq ri k’ax, pa le b’anoj chajinem kub’al k’u’x pa Iximulew. Eri chak taq b’anom, are la’ xya ub’ixik rumal le nimapatanel Jiménez, pa le katijoxik le Grupo Especial Contra Extorsiones (GECE) xuquje’ rech pa le q’atenik ri k’ax.

Eri nimapatanel ri’ sib’alaj xub’ijk’o nim upatanib’al ri  Puq Ajchomanelab’ rech Ya’olchajinem, ruk’ ri oxk’al chi riqob’al ib’ rech chomanik xb’an kumal ri rajpatan ajtaqawokajil kuk’ ri e’ajchoq’e wokajil. Xuquje’ xub’ij chi k’o nim uq’atexik ri narcotráfico xb’anik ruk’ uriqik ri chomapwaq Q1.7 millardos chi pwaqil pa rajil awan jastaq kunab’al, pwaq ruk’ jastaq riqom chik pa junab’ ri’.

Le Taqawokajil rech Ya’olchajinem pa Amaq’, xub’ij che pawe q’ij kamik, k’o chik 137 chi tzukunem b’anom pa taq rachoch ri japache’ rech tik’ib’an chajinem chi la’, rech uq’atexik ri jastaq man ya’ol taj rokik pa le japache’ chi la’. Xuquje’ sib’alaj xuya utzijol chi k’o chik jun nim chajinem pa rachoch ri japache’ Centro rech Alta Seguridad “El Infiernito” ri’, xuquje’ e chapom chik jo’q’o’ (2 mil) chi e’ajtoq’il taq pwaq ri’.

Eri ka’amal b’e rech ri Cámara rech Comercio xuquje’ Industria Guatemalteco Mexicana (CAMEX), Marcio Cuevas, ri are xub’ij k’o jun upatan ri riqon ib’ rech komon chomanem kumal e’ajchoq’e wokajilal ruk’ ri K’amal B’e Amaq’. Eri xub’ij chi kuya uq’ij ri xchomataj kumal ri q’atb’al tzij rech Gobernación rech b’anoj ri chajinem, ri q’atenik ri k’ax pa tinamit.

Pa le ya’oltzijolinem ri’ xk’oji le Directora Ejecutiva rech ri CAMEX, Liza García, xuquje’ rajchomanek ri  wokaj e’achomanelab’ xuquje’ ri e’ajchoq’e taq wokajil, ri sib’alaj xetob’anik pa le uch’ob’i rilik jachike ri k’ax ri’, ri komonchak kab’an ri’, rech ya’ik uchuq’ab’ ri cholchak pa kub’alil kab’anik rech kab’an ri ya’olchajinem pa tinamit.