Are wa’ uwach ri b’anowem chak tajin ub’anik rumal le Ministerio rech Gobernación (Mingob) rech ya’ik uchuq’ab’ ri chajinem pa amaq’ tinamit, rumal ri’ xb’an jun nim riqonem chomanik kuk’ rajchomanelab’ ri wokaj k’o rajchoq’e, rech xtaqixik ub’anik ri jun riqon ib’ rech ub’anik ri kemonchak rech ri uq’atexik ri k’axk’olil xuquje’ ri e’ajb’anol taq ri k’ax.

Le riqonem ri’ are xk’am ub’e ub’anik rumal le ministro rech Gobernación, nimatat  a Marco Antonio Villeda, le sib’alaj xub’ij eri kemonchak pa taqawokajil ri’ ruk’ le katob’anik ri jalajoj taq wokajil rech ri amaq’ tinamit k’o nim upatanib’al rech pa le b’anow nimachajinem ri’ rech kaq’atexi ri uchuq’ab’ ri b’anow taq k’ax ri’.

Jeri’ sib’alaj xub’ij che kutene’j ub’anik ri ya’tal ri jamalil k’olib’em rech pa uya’ik ri kemon nimachak ri’ rech kuya’ nim uchuq’ab’ ri jikom chajinem winaqilal ri’, ri kakowon che ub’anik ri jororib’al kub’al k’u’x chi ke ri winaqil pa tinamit.

Pa riqon ib’ xuquje’ xek’oji chi’ le viceministro rech Seguridad, Roberto Solórzano ri’; le viceministro Antinarcótico, Víctor Cruz ri’; le K’amal B’e rech Rachoch ri Wokajil Japache’ Tz’apib’al, a Jorge López Dellachiessa ri’; le k’amal b’e rech ri wokajil Cámara del Agro (Camagro), a Charles Bland ri’; xuquje le k’amal b’e rech le Asociación Nacional rech le Café (Anacafé), Andrés Destarac ri’.

Le ya’tal jamalil ri’ are kub’an le tzijob’elil pa amaq’el ruk’ le kemonchak tob’anik kuk’ ri taqawokajil pa tinamit kuk’ ri e rajchoq’e ri wokaj taq, rech ri b’anow ya’olchajinem winaqilal pa tinamit. Ruk’ taq wa’, le Mingob sib’alaj kub’ij chi ruk’ ronojel uchuq’ab’ kub’anri utzilaj chajinem winaqilal e’aj iximulew ri’.