Eri kitat kachoch winaqilal e rajchak le Ministerio rech Gobernación (MINGOB) sib’alaj xetatb’enik pa jun utzilaj riqonem tz’ijob’enik xb’an kuk’ ri’, ri xchomax ub’anik rumal le Nim Uk’amal B’e rech Rajchakib’ le Taqawokajnel ri’. Eri jamalil ya’tal ri’ are la’ xb’an pa utzilemal riqon ib’, rech xuki’kortisax kanima’ kachomab’al ri’ rech uya’ik ri uchuq’ab’il ri taqawokajil ri’, rech kaya uq’ijolil upatanib’al ri kichak chi kuxo’l taq ri kixoqil k’alk’uwal pa kachoch ri winaqilal e’aj iximulew ri’.
“Kinlinya’o uq’ijol ri nimachak tajin kakib’an le tat achijab’ pa le utz kik’utb’alil, pa le kato’ik kachajixik ri kachalalil. Le kux ub’anikil ke tat ri’ are tajin kuk’ex rib’ ub’anikil pa taq le q’ij kiq’axik, emu wa’ man kusach taj le ukiy ucholaj ri’. Ruk’ tijowchuq’ab’ ri’ keqatzijob’ej ri qachalalil pa qachoch, ri kaqak’ut ri utzilaj b’anob’alil chi ke”, xcha’ le ministro rech Gobernación, Marco Antonio Villeda, pa le jun ub’ixik nimatzij xya’taj chi ke le tat e rajchak ri taqawokaj ri’.
Le nimatat a Villeda nimalaj xub’ij chi ke le e tat achijab’ ri’ che k’o jun nim kipatanib’al pa taq kachoch xuquje’ pa le Taqawokajnem rech ri Ya’olchajinem pa Amaq’. “Le jun loq’ tat ri’, katijon ri’ chi rij ub’anik le chak pa suk’ilal, le kub’an le kub’ij ri’, le kuyako rib’ are chi’ q’axenaq pa le tijowk’ax pa uk’aslemal, are ri’ le k’o kuya’ le k’utb’anem chi ke le rajk’uwal”, xcha’.
Pa le b’anowem ri’ xk’oji le nim uq’ij ajetz’anel le potz’ kanoq, ub’i’ a Edgar Eladio Estrada, ri xuya’o jun utz ub’ixik utzijob’elil ri rajchak ri Taqawokajil ri’. Xuquje’ xub’an k’ilaj taq k’utb’al tzij ri’ rech xuyak ri ranima’ le k’amow b’anow chakunem pa le taqawokajil, xuquje’ pa le unimaxik taq ri etb’anikil rech pa utzilem kek’oji pa le kichak ri’.
Le b’anowem ri’ are xb’an pa le 17 rech junio pa le nimaja rech le Nim Uk’amal Ub’e Upatan le Wokajil Ajchajin Tinamit (PNC), le k’o pa le zona 1 rech pa uk’u’x le amaq’ tinamit.