Eri riqonem ib’ Chomanem rumal le Consejo Permanente rech ri Organización rech ri Estados Americanos (OEA) xb’an pa le nimatinamit Washington D.C. rech Estados Unidos rech América ri’, xe’umol ri ajchomanelab’ rech ri Estados miembros, rech xchomaxik ri resolución No. 1/26 “Crimen organizado xuquje’ derechos humanos pa las Américas” rech ri Comisión Interamericana rech Derechos Humanos (CIDH), ruk’ nik’aj chik nim ch’ob’ol tzij pa rulewal taq amaq’ib’.
Le ministro rech Gobernación rech Iximulew, Marco Antonio Villeda, ri xtatb’enik pa ub’anikil keme’uwachwuj pa kaqiq’, pa le sib’alaj xub’ij ri che “k’a pa le Amaq’ Iximulew ri’ pa le qeqale’m wi le nimachak ri’ ri kaya’o uchuq’ab’il le rilob’alil ri ub’anikil chajinem pa kiwi’ tinamit ri k’o pa retalil uchakuxik, ri ya’tal nim uchuq’ab’il ri taqawokajil ri’ xuquje’ pa ub’anikil le jun nimab’al uwach taq ri ya’talil chi ke ri winaqilal ri’”.
Sib’alaj xub’ij che ri ub’anik ri chajinem pa suk’il pixab’ tzuh are kab’an ri’ pa le Uk’amal B’e ri Taqanik Ya’talik, kuk’ taq ri wokajil pa kow, saqil kib’anikil, nimal uwach ri loq’ab’am winaqilal. “Le ujunumal ub’antajik jun tinamit man pajital ta uwach ruk’ taq utaqanik tzij, xane’ are ruk’ ub’antajik ri kichakunik uq’ab’ilal ri wokajil ri’ ruk’ suk’ilal, ruk’ uchuq’ab’ uk’aslemal uwinaqilal ruk’ ri utzilal ri nimachak kumal pa le kachomaxik ri winaqilal.
Xub’ij chik che ri ya’olchajinem winaqilal ri’ man kayak ta ri’ k’a pa le b’anow puqtzukunik tzij, xane’ are ri’ kab’an ruk’ taq puqtzukunem chajinik rech uq’atexik ri k’ax rech ya’el uchuq’ab’il ri k’amq’ab’tzij kuk’ ri winaqilal pa joremal, rech kak’am kikub’al kik’u’x kanima’ ri winaqilal chi ke taq ri wokajilal le qatzijtzij kachomaxik pa tinamit ri’.
“Eri ujunamal taqanik pa tinamit ri’ kuk’am nim uchuq’ab’ ub’anik are chi’ we k’o jun winaq kuxe’j rib’ pa uk’aslemal, we are chi’ we k’o jun wokajil pa suk’il kachakun pa le taqanem tzij ri’ xuquje’ we are chi’ kaq’alajinik chi tzij b’a’ kuloq’aj kuchajij ri winaqilal pa ujunamal taqanik pa tinamit. We jeri’ le kab’an ri’ eri Amaq’ib’ rajawaxik b’a’ kaqab’insaj uwach ri’”; xcha’ ri taqawokajnel rech ri Ya’olchajinem pa Amaq’.
Pa k’isb’al ri’ sib’alaj xub’ij chi k’o nim upatanib’al rech katerne’x ub’anik ri kemonchak pa rulewal tinamit ri’ pa le b’anik utz taq b’anb’alil, ri kemonchak kuk’ taq ri winaqilal pa uk’iyal wokajil xuquje’ ri wokajil interamericano rech ya’talil chi ke winaqilal.