Eri k’aqb’al maj uwujilal ruk’ k’ilaj taq ub’aq’ ri jalajoj kakojik xriqitaj pa jun k’olib’alil oqxa’nib’al ri xok loq pa le Portuaria Santo Tomás de Castilla, k’o pa Puerto Barrios, Izabal, upetik pa Estados Unidos rech América ri’.
Eri xriqitaj ri’ are kumal reqa’lenelab’ ri Subdirección General rech Análisis rech Información Antinarcótica (SGAIA) rech ri Wokajil Ajchajin Tinamit (PNC) pa jun solinem xb’an pa rachoch k’olib’al ri portuario ri’, ruk’ ri katob’anik jun Binomio K-9 ri’.
Eri xriqitaj ri’ are 21 chi raqarik k’aqb’al, oxib’ cañones rech k’aqb’al q’aq’, keb’ k’aqb’al q’aq’, keb’ k’olib’al ub’aq’ k’aqb’al q’aq’ xuquje’ 3,037 ub’aq’ k’aqb’al q’aq’. Eri awan kunb’al ri’ are la’ xpis b’i rech kab’an uq’alajisaxik utzijolil ri’.
Eri jun eqa’n k’aqb’al q’aq’ ri’ are la’ xtij roksaxik loq pa amaq’ tinamit pa taq k’olib’al pa ukajtzalajil ruk’ taq atz’iyaqb’al kojom chik ri’ are ub’i’ taq ri pacas ri’ xuquje’ ri xriqitaj paq’ij domingo ri’ 24 rech mayo, pa le kitak’alib’al nim jukub’ ri’.
Pa le b’anow puqtzukunem ri’ xriqitaj loq 14 chi raqarik k’aqb’al q’aq’, jun carabina, 9 chi tolws xuquje’ 4,969 chi ub’aq’ taq k’aqb’al q’aq’ ri’ ri jalajoj ri utz kakojik. Xuquje’ xch’ob’otajik che are la’ upetik loq pa rulewal estadounidense xuquje’ tajin uq’alajisaxik uwach ri’.
Eri keb’ uwach ri’ are la’ le rutzilal ri kemonchak tajin ub’anik kumal ri wokajil winaqilal ri e’ajilol rech ri kaxonach’ich’ ri’, eri solinem pa rachoch ri k’olib’al jastaq ri’, ri uq’atexik ri nuk’molaj b’anol k’ax pa taq amaq’ib’, xuquje’ eri ub’anik ri’ rech uya’ik uchuq’ab’ ri b’anow chajiem pa taq portuaria ri’ pa amaq’ tinamit.