Pa le cholchajinem “Plan Belén” xuquje’ rumal man xtanab’ ta ub’anik tzukunem chi rij wari’ rumal ri Wokajil Ajchajil Tinamit (PNC), xb’an kowonem xechap e wuqub’ e b’anol k’ax ri’ pa keb’ tzukunem xb’an ri’. pa le xchap wi ri nab’e rumal xub’an jun k’aqanem kamisanik, pa le ukab’ ri’ xchap jun elaq’om ajtoq’inel pwaq chi rech jun ajk’ayinel.
Pa le nab’e xchapik, eri PNC xuchap jun achi ub’i’ a Julio “N”, a German “N” xuquje’ al Mirian “N”, ri e’oxib’ ri’ 18 kijunab’, al Darlin “N”, 20 ujunab’, pa le Calle Real rech ri colonia Las Tapias, zona 18, chaq’ab’ rech pa lunes ri’. Eri kajib’ kab’ixik e uwinaqil ri jun Mara 18, are chi’ xkaj xkanij kib’, are chi’ xechapatajik.
Eri tzukunem xb’antaj kumal ri PNC, xub’ij eri nik’aj winaq xechapik kachomam chik kakib’an jun k’aqanem chi la’ k’ut. Xuquje’ xriqitaj jun raqarik k’aqb’al AR-15, jun uk’olib’al oxlajuj ub’aq’ k’aqb’al, jun k’aqb’al 40 ruk’ b’ilob’al rech ruk’ kab’lajuj ub’aq k’aqb’al xuquje’ Q6 mil 971 b’otolik.
Eri K’amal B’e rech ri PNC, David Custodio Boteo, xub’ij che ri chak rech tzukunik xb’an ri’ are la’ xq’alajisan ri jun b’anoj k’aqanem ri’ xuquje’ pa le ub’antajil ri Plan Belén ri’ e k’i ajchajinelab’ xetaqik xuquje’ reqa’lenel ri Comisaría 12 rech xkich’ob’ kuwach nik’aj e’ajb’anol k’ax ri’.
Xq’atij toq’inik pwaq
Eri reqa’lenelab’ ri División Nacional rech Q’atenem taq Pandillas (DIPANDA), rech ri PNC, xkib’an jun puqtzukunem pa le kilómetro 15 rech ri nimab’e pa le Pacífico ri xechap wi loq e’oxib’ chi e’ajb’anol k’ax rech ri Mara 18, are chi’ eb’enaq che uk’amik Q50 mil chi pwaqil ri’ ri xkitoq’ij chi rech jun ajk’ayinela rech Villa Nueva.
E’are k’ut a Ludwin “N”, “Sapo” q’ab’em ub’i’, 25 ujunab’; a Kevin “N”, “El Ratón”q’ab’em ub’i’, 19 ujunab’, xuquje’ a Daniel “N”, 38 ujunab’, “Zope”q’ab’em ub’i’, xechapik ar chi’ xe’opan che uk’amik ri pwaq xkitoq’ij ri’. Rumal ri’ eri PNC xkiriq job’ chi ch’aweb’al xuquje’ jun kejach’ich’ ri’.