Iximulew kuchuq’ab’isaj ri chomanik rech chajinik ximontal ruk’ ri k’iyirisan ib’ xuquje’ ri ukojik pwaq pa k’ayb’al
Ri k’amal ub’e ri Ministerio rech Gobernación, a Marco Antonio Villeda, xtatb’en pa le nimalaj riqb’al ib’ pa kaxlan kitzij saqwinaq (The Guatemala Development Forum 2026), ri xb’an rumal (The Business Year). Wa’ jun k’olib’alil ri xkojik riqib’al kib’ rajchomanelab’ rech ri tinamit xuquje’ ri ajkolol pwaq pa k’ayib’al, ri k’amal kib’e ri ajchoq’e taq ri wokajil xuquje’ ri kachi’l taq k’olib’al rech kechoman chi rij ri uk’iyik ri rajil ulew pa ri amaq’.
Pa le q’ij ri’ xk’ut uwach ri nab’e wuj rech Iximulew 2026, jun wuj tzijol che ri kub’an ukojik ri nimalaj uwach cholchak rech etamab’al chi rij ri pwaq meb’il pa ronojel ri uwachulew. Pa ri riqb’al ib’ xech’a’wik chi rij ri ukojik pwaq, ri uk’ulmatajik pa le k’ayb’al, ri k’olib’alil, ri uk’iyisaxik tinamit ruk’ chakub’al, ri tzijonem xuquje’ ri ub’anik taq chak.
Ri chajinik xuquje’ are jun nimalaj utzilal rech k’ayb’al
Are chi’ xch’a’wik, ri k’amal b’e rech Gobernación sib’alaj xuya ub’ixik che ri jikom chajinik are ri’ jun nimalaj ch’akulb’al rech kuya k’uqb’al k’u’x xuquje’ rech kape ukojik pwaq. “Ri ukojik pwaq are qastzij pa kub’sib’al”, xcha’.
Je k’u ri’, xub’ij che ri b’anow chajinik ruk’ ri k’iyirisab’al ib’ e ximotalik. “Ri chajinik xuquje’ are rutzilal taq k’ayb’al”, xcha’. Xub’ij chik che ri Iximulew rajawaxik kub’an ri taqanik rech ri utzilal xuquje’ ri ya’talik b’anowem rech uq’ij kak’iyik.
Xuquje’ xuya uq’ij ri chak pa junamil chi kixo’l ri k’amal taq b’e rech tinamit ruk’ ri winaq rech k’ayb’al. “Ri uchajixik ri amaq’ tinamit man kub’an tane’ che ri xaq jun uk’olib’al”, xcha’.
Xutun ub’ixik ri’ che rajawaxik eri taqawokajil kekowonik che najb’esaxik ya’ik utzijolil, ri kachakuxik ruk’ utzijolil xuqje’ rech pa uq’ijol kuq’atij ri k’axk’olil q’oxomal chi ke ri winaqilal xuquje’ ri uk’iyik ri amaq’ tinamit.
Eri chajinem ri’ jacha jun k’olib’al ri man kilitaj taj rech k’iyirisanem
Ri k’amal b’e xuquje’ xub’ij che ri ya’olchajinem are kub’an jun k’olib’al ri man kilitaj taj jeri’ rilik ri k’iyirisanem, are chi’ pane’ man k’o ta pa ri ruwujil retalil rachib’al jun nimab’e, jun k’olib’al jukub’ ch’ich’, jun parque industrial, ri teren chi rij jujun wokaj chak, rech jujun sachb’al pwaq rech kak’iriyik xuquje’ rech jujun ja wuinaqilal ri kuya ri uq’ij pa chuwe’q kab’ij ruk’ jikomal.
“Rumal eri jun Amaq’ che kanab’ejik kutotab’ej, xuquje’ le jun amaq’ che ri kuch’ob’ nab’e che sib’alaj utz uchajixik ri tinamit”, kub’ano kacha’.
Xuquje’ xub’ij che le jun tinamit kutoq’ij ri pwaq are chi’ kuya kub’al k’u’x, rech te k’u ri’ jun amaq’ ri’ kakowonik kuk’iyisaj ri k’aslemal are chi’ ri wokaj uk’olib’alil kekowon kakik’ol ri cholajil pa le wuj rech taqanik.
Xuya chik che ri Ministerio rech Gobernación pa reqale’n kuya ri tob’anik rech kuchajij le jikomal ri’, rech kukub’isaj ri uchuq’ab’ ri Amaq’, rech kuq’atej ri k’ax chi ke ri winaq xuquje’ rech kujikib’a’ ri uq’ijol ri jikom ya’talil chi ke.
“Wa’ we chak ri’ keraj ri kowilaj taq wokajil k’olib’al chak, chomanik ri man kitzaq taj xuquje’ jun nimalaj rilonik rech amaq’il ri qas naj koponik chi wach ri kilitaj uwach”, xub’ij.
Pa uk’isb’al, Villeda xujikib’a’ ri ub’ixik che ri Ministerio rech Gobernación rech kutob’ej ri Iximulew rech ka’uxik jun amaq’ che ri ronojel ukojik pwaq kuriq suk’ilal, eri jujun wokaj chakunik rech b’a’ kuyak rib’ kak’iyirik pa chuwe’q kab’ij xuquje’ ri jujun taq ya’talil rech k’iyirisanem ruk’ utzij q’atb’al tzij xuquje’ kumal taq ri wokaj che kechakunik.
Pa we nimalaj riqb’al ib’ ri’ xtatb’en ri k’amal ub’e ri Banco rech Guatemala, Álvaro Ricci, ruk’ k’amal kib’e ri wokajil rech tinamit, ajkolol pwaq, ri k’amal kib’e ri e’ajk’ayb’al xuquje’ ri kachi’l taq k’olib’al.