Pa jun kemonchak kumal ri Subdirección General rech Análisis rech Información Antinarcótica (SGAIA) rech ri Wokaj Chajin Tinamit (PNC), kumal ri wokaj e ajchajin Amaq’ Iximulew xuquje’ kumal rajq’atol tzij rech ri Ministerio Público (MP), pa le k’isb’al wuqq’ij kanoq xkiriq 805 chi pisoj ruk’ cocaína k’o 945 kapajanik eri rajil are Q97 millones 090 mil 953.75 ri’.
Eri eqa’n chi awan kunab’al ri’ are xriq kumal ri Marina rech ri Defensa Nacional pa le Océano Pacífico, are chi’ xriq pa jun jukub’ ch’ich’ sib’alaj karumumik b’enaq pa 245 uchuq’ab’ ropanib’al pa uwi ri palow.
Comando Naval rech ri Pacífico pa San José, Escuintla, ri xe’opan wi ri wokaj ajchajinelab’ ri’ rech xkib’an utzukuxik rilik ri awan kunab’alil xriqitaj ri’.
Pa le puqchajinem tzukunik ri’ e k’o job’ winaq xechapik, e oxib’ mexicanos xuquje’ keb’ chi ecuatorianos ri’, ri e b’enaq pa le jun jukub’ ch’ich’ pa uwi ri palow. E are k’ut xek’am b’i kumal ri q’atb’al tzij rech kakich’ob’ kib’ chi la’ chi rij ri kimaj xkib’ano.
K’a pa Escuintla xkik’am wi uloq ri awan kunab’al reh xkik’am b’i pa rachoch k’olib’al jastaq rech ri SGAIA rech ri PNC, zona 6 rech uk’u’x nimatinamit, kumal reqa’lenel ri Unidad Aérea rech ri Ministerio rech Gobernación (UNAGOB) rech xkik’am b’i pa xik’ach’ich’ ri eqa’nib’al chi awan kunab’al ri’, rech kapaj uwach rech te k’u ri’ kaporoxik. Are ri chak sib’alaj tajin ub’anik rumal ri K’amal B’e Amaq’ Bernardo Arévalo pa le uchak reqele’n ri Ministerio rech Gobernación (Mingob) xuquje’ rumal ri Ministerio rech ri Defensa Nacional (MDN) pa le uq’atexik taq ri narcotráfico xuquje’ ri molaj taq b’anoj k’ax waral jeri’ pa nik’aj chik nimatinamit.