Pa le 12 rech marzor ri’, eri reqa’lenel ri División rech ri Policía Internacional, Interpol-Guatemala, rech ri Wokajil Chajin Tinamit (PNC) xjach uloq pa kaq’ab’ ri Delegación Fronteriz El Carmen, Malacatán, San Marcos, jun winaq salvadoreño ri xtaq uloq rumal ri Policia Federal rech Mexico.
Eri q’atb’al tzij rech ri nimatinamit k’o apanoq xkijach uloq a Héctor Oswaldo González Pérez 32 ujunab’, jun uwinaq ri El Salvador, ri xuwaj rib’, rumal ri’ xya utzijol ub’ixik che ri are sib’alaj Itzel wianq, ri kub’an k’ax te k’u ri’ kuwaj rib’, ri are uwinaqil ri jun molaj b’anoj k’ax ub’i’ clica “South Side Ganster” rech ri Mara Salvatrucha (MS), are kab’ixik xumin rib’ pa molaj b’anoj k’ax.
Rumal ri’ xchap uloq kumal ri wokajil chajin tinamit rech Iximulew, rech te k’u ri’ xkijach b’i pa kaq’ab’ ri q’atb’al tziij rech Interpol-El Salvador, pa le frontera Pedro de Alvarado, Moyuta, Jutiapa ri’.
Eri q’atb’al tzij e aj iximulew xkib’ij che ruk’ ri kemon b’anoj q’atenik ri’ kumal ri amaq’il nimatinamit ri’, ri wokajilal migratorias ri’ are la’ xub’an jun nim upatanib’al rech pa aninaqil xchap uloq rech xjach b’i ri jun Itzel winaq b’anol k’ax ri’.