Xb’an jun nim tzukunem q’atenik kumal reqa’lenelab’ ri Wokajil Ajchajin Tinamit (PNC) chi rij taq ri Nimatijob’al rech San Carlos rech Iximulew (USAC) are taji kuk’am uchuq’ab’ ri chajinem chi’ rech kakub’isax ub’anik ri ya’olchajinem winaqilal, rech uq’atexik taq ri b’anoj k’ax elaq’nik xuquje’ rech uq’atexik ri b’anoj taq ri k’ax kumal ri e itzelalaj taq winaq ri’.
Eri Subdirector rech Operaciones rech ri PNC, Esvin Jacinto Quiché xub’ij ri are che ri xutaq ub’anik rumal ri Ministerio rech Gobernación, Francisco Jiménez, xunimax ub’anik uwach ri cholchak ri’ rech b’anoj ya’olchajinem winaqilal, ruk’ taq ri jastaq meb’ilem kech ri e ajtijoxel, ri e ajtijonel, ri e ajchakunel pa rachoch taq tijonem xuquje’ ri winaqil che ri keb’inik kewa’kat ri’.
Xuquje’ eri Subdirector Jacinto xub’ij eri k’olib’al chajinem kojom, are rech pa aninaqil katerenb’ex rilik uchomaxik ri b’iw ub’ixik kumal winaqil xuquje’ rech ketaq ri kejach’ich’ pa le b’e ub’i’ ciclovía rech keq’atexik ri e ajb’anol k’ax chi ke taq ri winaqil keb’in chi la’.
Pa le b’anonem ri’ eri wokajil chajin tinamit kakisolij kitzijol ri winaqil chi la’ rech kakilo we taqom ta uloq kichapik rumal ri q’atb’al tzij ri’. xuquje’ kesolin chi ke taq ri ch’ich’ xuquje’ ri kejach’ich’ che ri ke’ok’owik, rech kakilo we man k’ot Itzel jastaq keqam b’i, qaraj rech kakikoj ri e Itzelalaj taq winaq pa b’anoj k’ax ri’, are la’ rech kakub’isax uwach ub’aik ri chajinem ilonik rech pa joremal ki’kotem kek’oj ri winaqilal ri’.