Pa unimaxik ri cholchajinem plan 04-2024 are kuq’at ub’ixik che kitaq kichapik nik’aj b’anol k’ax, pa le uq’ijol ri Awas Q’ij kumal reqa’lenel ri Nimachakuja rech Ajq’atenel ri B’anoj K’ax chi kech ixoqib’, rech ri Wokajil Ajchajil Tinamit (PNC), xekown che kichapik e k’i winaq kakib’an ri k’ax achk’ulaj ri’, k’o nik’aj rumal kakiya ta kirajil kachalalil pa kachoch xuquje’ e k’o nik’aj chik rumal xe’eleq’anik. Rumal ri’ xchap ri a Édgar Aníbal C., 57 ujunab’, xchap uloq pa le cantón Los Encuentros, Canalitos zona 24, rech nimatinamit Iximulew, rumal xuya ta kirajil rachalalil pa rachoch. Xuquje’ xchap uloq a José Benedicto E., 72 ujunab’, rumal xuchap ri alit ri ixoq ri’, pa le 8ª calle 14-34 zona 6 rech pa nimatinamit.
Rumal b’anoj elaq’, xchap uloq kumal ajchajil tinamit jun ixoq ub’i’ al Luisa Fernanda M., 34 ujunab’, pa le 11 avenida “A” 11-47 colonia La Verbena, zona 7 ri’. Chi la’ k’ut xchap wi uloq a El’ias H., kab’ixik rumal xuch’ay ri ali ri ixoq ri’ pa rachoch.
Xuquje’ pa Santa Catarina Pinula, rech nimatinamit Iximulew, eri e ajchajil tinamit xkichap uloq a Edín Geovany G., 46 ujunab’, rumal xuquje’ xub’an ri k’ax ri’.
Pa le calle principal rech Tiquisate, chi uwach ri rachoch ri subestación 31-5-4 rech ri aldea El Porvenir, rech xchap uloq a Florentino Iván M., 39 ujunab’, rumal xuch’ayo ri ali ri ixoq utukel pa rachoch are chi’ xriqitajik.