Pa le 31 rech marzo, eri raq’atb’al tzij ri Subdirección General rech Operaciones (SGO) rech ri Wokajil Ajchajin Tinamit (PNC) xkijach ub’ixik ri cholchajinem xkipatanij pa unimaxik ri Plan 16-2024 “Awas Q’ij”, ri xmajtaj uloq pa le 24 xuquje’ xk’is pa le 31 rech marzo ri’. Pa le q’ijol ri’ e k’o 92 chi b’anol k’ax xechapataj ri’ man je’ taj jacha xb’an pa junab’ir kanoq.
Eri rajwaxik xchakuxik ri’ ruk’ kitaqik ri ajchajil tinamit xb’an rumal ri Ministro rech Gobernación Francisco Jiménez rech xkub’isax ri k’olem pa jun Awas Q’ij ri’ ruk’ e k’iyalaj e ajchajinel pa tinamit. Xuquje’ rech xnab’ejsax q’atenik ri k’ax ruk’ ri b’anoj chajinem winaqil pa tinamit. Xuquje’ rech xb’an taq ri kemon b’anon rimaq’ij xuquje’ e ajje’l taq b’anonem k’utunik, ruk’ b’anoj taq etz’enik, rech b’anoj tob’anem xuquje’ rech k’o ri xchomax kuk’ ri q’atb’al tzij rech runimal taq tinamit, ruk’ nik’aj chik b’anob’alil.
Rumal ri’ eri reqa’lenelab’ ri División rech Seguridad Turística (Disetur), xuya utzijolil chi k’o 1 mil 264 chi tob’anem xb’an chi ri uchi’ taq palow, pa taq itinab’al winaq xuquje’ pa taq k’olib’al uxlanib’al winaq ri’. Eri q’atb’al tzij rech ri Nimawokaj e Ajchajil K’ache’laj ri’ (Diprona), xtob’anik pa le Awas Q’ij ri’ rech uchupisaxik taq pora’n k’ache’laj ri’, jacha ri kariqitaj pa le ixkanul rech Ja’, Santa María de Jesús, Sacatepéquez ri’. Xuquje’ eri reqa’lenel ri División rech Fuerzas Policiales (Difep), e are xkib’an 34 chi kato’ik e ri’j winaq xuquje’ ri ak’alab’il rumal jalajoj ri k’ax xkik’ulmaj ri’.