Ruk’ taq ri kopanik rajchajinelab’ le Wokajil Ajchajin Tinamit (PNC) pa le wokja ri xesolix ri’ pa le uk’u’x nimatinamit xuquje’ pa nik’aj chik uq’ab’ taq tinamit keriqitaj apanoq, k’o nimalaj chajinem xb’an chi la’ k’ut rech xb’an kato’ik kasolixik ri winqilal ri’, rech uq’atexik ri b’anow k’ax ruk’ kaq’atexik taq ri b’anow k’ax pa rulewal amaq’ tinamit. Eri wokaj ajchajinelab’ ri’ e tob’am kumal ri Wokajil rech Ajchajil Amaq’ Iximulew ri’ rech qas kilotaj uwach ri utaqanib’al ri Amaq’ ri’.
Eri chajinem ri’ are xb’antaj pa le 8 pa le 12 rech agosto ri’, eri wokajil ajchajin tinamit sib’alaj xkiya loq ub’ixik che k’o e 12 e’ajb’anol k’ax e’uwinaqil ri Barrio 18 kuk’ keb’ uwinaqil ri jun Mara Salvatrucha (MS) xechapik, kab’ixik e’are k’ut ri xek’am b’i pa taq ri q’at’al tzij chi rij taq ri k’ax xkib’ano.
Eri nik’aj winaq ri’ xriq kuk’ job’ chi k’aqb’alil, jun k’yaqplunkun, oxib’ k’olb’ab’il, k’ilaj taq ub’aq’ k’aqb’al utz kakojik ruk’ juk’al (20) chi ch’ab’eb’al ib’. Xuquje’ xkik’am b’i keb’ chi b’insal ch’ich’, jun kejach’ich’ ruk’ taq atz’iyaqb’al xaq kojom chi re ub’anik tane’ rech ri Ministerio Público (MP), ri kab’ixik are xkoj pa taq ri b’anow k’ax ri’.
Pa le uwach ub’anik ri cholchak ri’ ub’i’ “Anillo rech Contención”, are xb’an ri’ pa le barrio El Gallito, zona 3; La Verbena, zona 7; jeri’ pa taq le colonias La Esperanza, pa El Mezquital xuqje’ pa El Búcaro, zona 12 rech Villa Nueva, jeri’ pa nik’aj chik wokja.
Eri puqtzukunem ri’ are xb’insam ub’anik che kaqan ri ajchajinelab’ pa taq ri k’ax okib’alil pa xakiq’atij wi b’anow taq k’ax xuquje’ ri xakib’ano wi ri chajinem pa taq ri wokja ri e silom ri’.
Jeri’ k’o k’olib’al taq chajinem xb’an chi la’ pa tinamit rech xb’an rilik ri kitzijolil ri winaqilal rech xkilo wexa’ e k’o taqom kichapik rech kakichap loq xuquje’ we keqam ri kiwujilal ri’. Xuquje’ xesolixik ri e b’insal ch’ich’ chi la’ rech kilik wexa’ e k’o e kojom pa b’anow taq k’ax xuquje’ rech wexa’ e elq’am b’i.
Le ch’ab’eb’al 110 rech ri PNC kariqitaj ri’ che uk’ulik ri b’iw ub’ixik loq kumal ri winaqilal wexa’ k’o ri k’ax kakilo kab’anik rech kakib’ij loq pa aninaqil.