Pa le k’isb’al wuqq’ij kanoq e k’o ixoqib’ xeriqitaj loq

Pa uterenb’exik ri ya’ol k’i sik’inem pa le Alertas Isabel Claudina, eri reqa’lenel ri Wokajil Ajchajinelab’ rech Investigación Criminal (DEIC) rech ri Wokajil Ajchajil Tinamit (PNC), e k’o oxib’ ixoqib’ xkiraqo ri kab’ixik xa’ xesach b’i chi kuxo’l ri kachalal ri’.
Are ri’ jun ixoq 25 ujunab’, ri xriqitaj pa le  1 avenida 5-35 Colonia Lomas rech San Jacinto zona 10 rech Mixco, ri xub’ij che xa’ man xch’ob’ taj xuquje’ rumal man xtzijoj taj che ri unan wari’.
Pa le jujun taq tzukunem xb’an chi rij aretaq xtzukuxik pa nojimal kumal ri tzukno’jchak ri’, rumal k’ut eri e are ri’ are kakik’am pa amaq’el ri utzijol taq kumal ri’, are rech kakub’isaj ranima’ pa uk’aslemal ri winaqil xriqitaj ri’.
Jeri’ k’o jun chik ixoq 57 ujunab’ xriqitajik, pa le 6ta avenida, 1-90, zona 1, rech Escuintla, ri man k’ot uriqom sakonik b’anom tane’ chi rij uch’akul ri’, are wa’ utzijol xkiya’ loq ri q’atb’altzij rech ajchajil tinamit, ri xkik’am b’i kuk’ rech xuya’ ub’ixik chi ke ri q’atb’altzij ri’.
Pa le 12 calle 5-04 zona 18, Santa Elena 2, eri tzukunelab’ e are xkiriq jun chik uxoq sachinaq ri’ 38 ujunab’, ri ixoq ri’ xub’ij che xel b’i pa rachoch rumal xaq katajin kach’ay rumal ri rachajil kanoq, rumal ri’ xb’e ruk’ jun rachib’il ixoq, xuya’ ta ub’ixik chi ke rachalal ri’.
K’o nim upatanib’al ri ximonik ub’ixik kaya’ pa kq’ab’ ri q’atb’altzij ri’ rumal k’ut are kub’ano rech e k’aslik xuquje’ utz kuwach ri ixoqib’ e riqom loq ri e elinaq b’i rumal ch’ojinik ch’ayanik kb’an chi ke pa taq kachoch ruk’ ri kal xuquje’ kutukel, rumal wari’ rajwaxik kab’ix loq chi ke ri q’atb’altzij rech ri Ministerio rech Gobernación pa taq le ch’a’wib’alil ri’ pa le 1518 xuquje’ 110 rech ri PNC.

Alerta de Corrupción

Ultimas noticias