Are ri K’amal b’e Amaq’, Alejandro Giammatei, ri Ministro rech Gobernación, Edgar Godoy xuquje’ ri Viceministro rech Seguridad, Gendri Reyes, rech xkojik ri b’anoj Tzukunem Ya’olchajinik ub’ Recuperación xuquje’ Control III pa oxib’ uq’ab’ tinamit rech Chimaltenango we kamik e k’o 76 winaqil xechapataj loq rumal jalajoj uwach b’anoj k’ax ri’.
Pa le b’anoj tzukunem ri’ xya’taj ub’ixik che majun b’anoj k’ax xk’ulmataj ri’, pa taq le b’anoj tzukunem ya’olchajinik pa komonchak ruk’ ri Ministerio Público xuquje’ rumal ri Wokajil Ajchajil Amaq’ Iximulew k’o e k’i winaq xechapataj ri’ rumal toq’inik pwaq, rumal keqam k’aqb’al maj pa usaqil, xuquje’ rumal nik’aj chik b’anoj k’ax ri’.
Eri winaq xechap loq are ketajin pa b’anoj k’ax ri’, rumal ri’ xtaq kachapik rumal q’atb’altzij, chi ke ri’ e k’o 68 achijab’ xuquje’ oxib’ ixoqib’, e k’o oxib’ chik jun chik uwach kimak xkib’an ri’.
Xuquje’ k’o jun b’anoj tzukunem xb’an pa japache’ rech Chimaltenango ri’ chi’ xraqataj k’i jastaq ya’tal kakoj pa japache’ ri’, k’o kolob’ch’ich’ rech kakoj che ch’awib’alil xuquje’ internet xraq chi’. K’o 167 b’anoj tzukunem xb’an ri’, chi’ k’u ri’ k’o waqxaqib’ k’aqb’alil xraqatajik, k’o Q.114, 260, jeri’ k’o 16 ub’aq’ k’aqb’alil ruk’ 22 k’olib’al ruk’ marihuana xraqataj chi’.
Eri q’atb’altzij rech ajchajil tinamit k’o jun ch’ich’ tak’alik xkiraq chi’, k’o keb’ kejch’ich’ xeraq ri’ xuquje’ e k’o waqxaqib’ winaq xek’am b’i pa q’atb’altzij.
Eri upatan xub’an ri b’anoj tzukunem ri’ are rumal wari’ tajin kakib’ij apan chi ke ri winaqilal rech chakib’ano b’a’ jun toq’ob’ rech chakib’ij b’a’ loq katzijol e ajb’anol k’ax pa le 110 xuquje’ pa le 1574 ri’. Are rech k’o katzukux kuwach juntir ri’.
Eri b’anoj tzukunem ri’ are ub’anom utzil chi ke ri winaqil e jaqal chi’ rech pa kub’al k’u’x xuquje’ pa joremal kek’oji chi’.