Ri Ministerio rech Gobernación, pa reqale’n ri Taqawokaj Ajchajil Tinamit xuquje’ ri Departamento rech Tránsito, kuwa’lijsaj ub’anik ri chak rech kakojisax ri kub’al k’u’x chajinem pa taq nimab’e xuquje’ ruk’ ri suk’ k’aslemal.
Pa taq jujun junab’, pa taq ri tinamit rech ri amaq’il kab’an uq’ijoxik ri Nimaq’ij rech ri Uwach Ulew ri Maj Ukojik B’insal Ch’ich’, rech kuya’o uchuq’ab’ ri b’inem maj ukojik ch’ich’ rech k’aqb’al q’aq’. Chi upam wa’ we q’ijol, ri Ministerio rech Gobernación kub’an ri Nab’e Bici Tour Chaq’ab’ chi la’ k’o wi k’i taq wokaj nimaja xuquje’ chakuja pa tinamit rech uya’ik uchuq’ab’ ri utzilaj b’inem xuquje’ ri utz ukojik ri nimab’e rech ri tinamit, rech keta’max kumal ri winaq ri rutzilal ri k’ak’ b’anob’al rech b’inem xuquje’ ri uya’ik kub’al k’u’x pa taq ri b’e.
Ri Nab’e Bici Tour kab’an na pa le saq’ij waq q’ij (sábado) 26 rech septiembre. Ri kitz’ib’axik ri winaq kek’oji na pa le kajb’al jo’ob’ ri b’enaq q’ij (17:00 horas) xuquje’ ri ke’el b’i pa le kajb’al waqib’ ri b’enaq q’ij (18:00 horas). Ri b’inem ke’el b’i pa le Plaza La Loba, chi uwach ri Nimaq’atb’al Tzij rech Nimatinamit Iximulew, xuquje’ le kak’is pa le Dirección General rech ri Taqawokaj Ajchajil Tinamit.
Ri winaq ri kek’oji’ chi upam rajawaxik kakitz’ib’aj kib’ pa we enlace ri’: https://l1nk.dev/15fest9
Xuquje’ rech k’o ya’b’al uchuq’ab’ ri jun chik b’anob’al ri b’inem, we chak ri’ kutzukuj unawisaxik kib’ ri winaq chi rij ri niman ib’ chi kixo’l ri keb’in che taq kaqan, ri keb’in pa let’kejach’ich’ (bicicleta) xuquje’ ri kib’inisam ch’ich’, rech kak’oji jun utzilaj k’aslemal pa taq nimab’e xuquje’ rech uq’atexik ri riqon k’ax pa taq ri nimab’e.
Rech katob’ik rajawaxik k’o jun let’kejach’ich’ (bicicleta) ri utz kakojik, tob’al jolomaj (casco), taq q’aq’, atz’yaq kaq’alijanik pa q’equm xuquje’ tzijob’al rech kasuk’umasaxik ri let’kejach’ich’, ri taq no’jib’al rech kuto’o ri kub’al k’u’x rech keb’e pa taq ri b’inem.
Ruk’ uwach taq chak ri’, ri Mingob xuquje’ ri PNC kikikub’isaj kitzij che ri uya’ik b’anow jikomal pa taq ri nimab’e, rech kuya’ uchuq’ab’ ri utz b’inem xuquje’ rech keto’ik ri winaq pa taq chak rech ri utzilaj k’aslemal chi kixo’l konojel.