Ri Nimalaj Uk’olib’al Uk’u’x Ka’yeb’al rech Escuintla xb’an wi ri tijowanim 5K rech ya’el ub’ixik ri q’ateb’al k’axk’olil, pa jun q’ij rech retz’b’axik ub’ixik xmolin kuk’ taq ri e’achalal rech tinamit aj iximulew xuquje’ rech xya’ uchuq’ab’ ri k’olib’alil rech kakiriqo wi kib’ ri winaqilal.
Ri chak patan ri’, are xk’am ub’e ub’anik rumal ri Ministerio rech Gobernación, pa reqale’n uchakunik ri Wokaj Jachakub’al ub’i’ Unidad rech ri Prevención Comunitaria rech ri Violencia (UPCV), ruk’ ri utob’anik ri Subdirección rech Prevención rech ri Delito rech ri Wokajil Ajchajil Tinamit (PNC), xuquje’ kuk’ taq ri q’atb’al tzij rech ri tinamit ruk’ taq ri keqale’nib’al ri wokaj chak kech winaq.
Le choltijowanim xq’ax pa taq le nimab’e pa tinamit ri’ xuquje’ xub’an ri utzilal pa le uxlanem, le rachi’laj ib’ xuquje’ uq’atexik ri k’axk’olil rumal le b’anow etz’anem ri’.
Pa le nimaq’ij ri’ xek’oji le viceministra rech Ajchomanel chi rij Chajinik Uq’atexik k’ax, al Mayda De León; ri ukab’ k’amal b’e rech ri PNC, a Pablo Rodríguez; ri q’atb’al tzij rech ri tinamit Escuintla, al Darling Ramírez, ruk’ taq q’atb’al tzij rech taq uq’ab’ tinamit.
Xuquje’ xk’oji ri katob’anik ri Chajinelab’ rech Uq’ab’ Tinamit rech kab’an ri chak xuquje’ ri achi’lanem pa le b’inib’em.
Aretaq xe’opan pa k’isb’al tijowanim, eri e’ajtijowanim ri’ xya’ kisetpwaq rech ya’el kiq’ij rumal ri tijowchuq’ab’ xkib’ano xuquje’ rumal e’are jun pa le cholchak tijowanim rech b’ixik chajin ib’.
Pa junamil wa’, xb’an pa le Nimalaj Uk’olib’al Ka’yeb’al rech ri Nimalaj Nimaq’ij xb’an ri’, ruk’ taq chakub’al rech kab’an naqaj ri cholq’ateb’al k’ax chi ke ri winaqilal xuquje’ kab’anik ri jikomal kub’alil k’aslemal chi ke ri upaja winaq.