Ri nimalaj Riqb’al ib’ kech ri ajeta’manelab’, kukamulij kib’ kuk’ taq q’atb’al tzij rech kech’a’w pa uwi ri k’ak’ taq b’antajik rech ukojik utijowik ri awan kunb’al, ri uchajixik ri ub’e’al uwach ri k’ax kunb’al k’o uchuq’ab’ chi rij taq ri jolomaj.

Ri Iximulew kuya uchuq’ab’ ri kut’ub’al k’aslemalib’ chi rij ri k’ax k’o pa uwi’ ri k’ayewal ech ri k’amal kib’ rech uchomaxik uq’atexik taq ri q’ab’arisab’al ruk’ taq ri k’ak’ b’antajil pa le tijowik ri K’ax taq Awan Kunb’al ri k’o uchuq’ab’ chi rij taq kijolom ri Winaq ub’i’ (NSP), xb’an wa’ pa 6 rech ik’ octubre ri’ ruk’ ri kitob’anik ri ajeta’manelab’ xuquje’ ri wokaj taq choltaqanik xuquje’ rech kaq’atexik uwach taq ri uk’u’x ri k’ax itzelal kunb’al ri k’o uchuq’ab’ chi rij taq ri jolomaj winaq.

Eri cholchak ri’ are tajin ya’ik uq’ij utzijob’elil rumal ri Secretaría Ejecutiva rech ri Comisión rech Q’ateb’al Tijowem Awan Kunb’al xuquje’ ri K’ayinem Awan Kunb’al ri’ ub’i’ (SECCATID), pa wokaj uchakuxik kuk’ taq ri taqawokaj rech kaq’atexik wa’ ri jun b’antajil k’axk’olil ri’. Eri riqb’al ib’ rech kuqatij ya’ik uchuq’ab’ kichakunik ri e’ajno’j ajeta’manelab’ pa le ub’antajil pa we q’ij chanim ri et’amab’al chiri j taq ri k’ak’ uwach taq ub’antajil ri utijik utub’axik ri awan kunb’al rech taq k’ax q’ayes xuquje’ rech pa utzilem suk’ilal  rech kaq’atexik uwach ri awan kunb’al ri’.

Uch’ob’ik chi uwach ri k’ak’ taq xib’ib’anik

Pa le jaqik ri riqb’al ib’, le Ukab’ K’amal B’e rech Q’ateb’al Awan Kunb’al xuquje’ Chajib’al rech pa K’ulb’a’til, a Victor Cruz, sib’alaj xub’ij che ri k’ayib’al rech itzelal kunb’al ri’ k’extal chik uwach xuquje’ ri kub’an ri xib’ib’anik man je taq chik ub’antajil kanoq, are la’ pawe q’ij ri’ k’o jun chik uchuq’ab’ taq ri nuk’molaj b’anol k’ax rech uchakuxik ri awam kunb’al xuquje’ rech ub’anik taq nik’aj chik uwach itzel kunb’al, ri kub’an jun chik b’anik k’ax chi ke taq ri winaqil pa tinamit.

Rumal b’a’ ri uk’ulmatajik wa’ pa we q’ij kimik  xunimarisax uq’alajisaxik ri uchakub’al ri k’amal ub’e ri taqawoka pa amaq’, ri k’iyal reta’manik ukojik ri ch’ob’onik ri’, rech kaq’atexik taq ri k’ax pa juntir ri k’ak’ uwach ub’antajil rech uchakuxik utijowik ri’.

Ri nimalaj riqb’al kib’ ri ajtaqaninel tzij pa amaq’ tinamit pa oxib’ runimal taq ri cholchak pa uwi taq b’anik rech ukojik utijik ri awam kunb’al; ri ub’antajil q’atom tzij pa uwi xuquje’ ri utzilaj uchakuxik ri uk’u’x awam kunb’al; xuquje’ ri uchuq’ab’ taq ri itzel awam kunb’al rech kuchap kijolom kino’jib’al winaq xuquje’ ri b’anik ri utzilaj taq patan rech sib’alaj chajim q’ateb’al uwach.

Tob’anem chi kiwach ri taqawokajil

Eri riqb’al ib’ kuta ub’ixik che rajawaxik kaya’ik uchuq’ab’ ri tob’anem chi kixo’l ri ajreqale’n chak patan ri k’o uwach chi rij uq’atexik ri k’axk’onem ri’, xa’rumal k’ut eri jun reqale’n chak ri’ man jun wokaj chakunel ri’ kuchomaj tane’ pa utuke’lil ri q’ateb’al ri nimak’ax k’aslemal chi rij ri kuya’o ri awam kunb’al ri’ xuquje’ ri ukiy uq’anil rech b’anob’al itzel kunb’al.

Rumal ri’, ri wokom q’ij taq chak tajin kitaqex uya’ik utzilaj b’e rech ub’anob’al ri’, ri komon chak pa junamil, xuquje’ ri  reqale’xik b’anik chak, k’a pa ub’anik taq ri tzijolinem xuquje’ ri k’uttjonem ri ch’ob’om nuk’tzijolinem xuquje’ ri k’uttijonik ri cobol chik kapatanexik.

Ruk’ ri ub’antajil ri’, Eri Iximulew kukowirisaj ub’anik ri k’ak’ ub’antajil ri eta’mab’al ri’ xuquje’ rech kutun rib’ ri uchuq’ab’il rech uq’atexik ri k’axk’onil xuquje’ ri uchajixik ri uchomaxik pa taqawokajilal chi uwach ri awam uk’ayixik ri itzel kunb’al ruk’ ri k’ak’ taq kunb’al rech q’ab’arisab’al kijolom winaq. Eri chakub’al ri’ xuya utzijol taq ri q’atow tzij chi rij pa we q’ij ri’.