Pa le uq’ijolil ri Plan Operativo Táctico Integral 13-2022, eri q’atb’al tzij rech ri Ministerio rech Gobernación (Mingob) xuquje’ rech ri Ministerio rech ri Defensa Nacional (Mindef), pa jun xik’ch’ich’ cho kaj xb’antaj kowonem xeriqitaj loq jun puq chi winaqil e ajq’axel b’i pa amaq’ ri’ chi la’ pa le kilómetro 203 nimab’e Interamericana.
te k’u ri’ xek’am b’i pa Frontera rech Agua Caliente, chi uxo’l Iximulew ruk’ Honduras ri’.
Eri viceministro rech Seguridad, Carlos Franco Urzúa, xub’ij che ri xa’ k’o ri winaq xub’ij loq pa awalik che e k’o jun puq chi winaqil tajin xe’ok loq pa le k’ulb’a’t juyub’ pa Amaq’.
“Qaraj e k’o 48 chi winaqil ri’, e k’o 43 venezolanos chi ke, jun ecuatoriano ri’, keb’ chi colombianos ri’ xuque’ e keb’ chi cubanos ri’ ri maj kiwujil keqam loq rech pa saqil ri’ ke’ok’ow b’i pa we Amaq’.
K’a pa le 14 rech junio ri’, e k’o chik 907 chi winaqil e ajq’axel pa jalajoj taq tinamit kepe wiri’.
Eri Urzúa sib’alaj xub’ij che kab’an nimya’olchajinem pa taq k’ulb’a’t juyub’ kumal ri reqa’lenel ri wokaj ajchajinelab’, rech keq’atexik ri winaqil maj kiwujil keqam loq rech keq’ax tane’ b’i pa we Amaq’.