Ri chak xe’umulij e’ajbinsal kejach’ich’ ri jalajoj kijunab’ xuquje’ xuya uchuq’ab’ ri chajinem pa nimab’e, ri nimanib’al ib’ chi kuwach ri winaq pa taq nimab’e xuquje’ ri suk’ ukojik taq ri k’olib’al rech ri tinamit.
Pa le Q’ijol rech Ronojel pa Uwachulew Maj Ch’ich’, ri Wokajil Rajchajinel ri Tránsito rech ri Taqawokaj Ajchajil Tinamit (PNC) xub’an ri nab’e “Bici Tour”, are jun chak ri xe’umulij ri ajkejach’ich’ ri jalajoj kijunab’ rech kuya uchuq’ab’ ri utz b’inisanik ruk’ ri chajitalik uwachulew, ri chajinem pa nimab’e xuquje’ are jun suk’ k’aslemal kiwach ri Q’atb’al Tzij pa rech uk’u’x nimatinamit ri’ Guatemala.
Ri uq’ij chak ri’ xuya uchuq’ab’ ri no’jk’aslemal rech nimab’al tzij, ri uq’atexik ri k’ax xuquje’ ri b’anik utzilal pa taq nimab’e, xuk’utu che k’o nim upatanib’al rech ri niman tzij rech ri b’inisanik ib’ rech ya’ik ub’ixik rech kakojik jun chik uwach taq ri k’olib’al pa jikomal xuquje’ ruk’ chajinem pa suk’ilal, utzilem jikomal ri’.
Pa ri b’enam ri’ are jun xb’e ri k’amal b’e rech Gobernación, Marco Antonio Villeda; ri ukab’ k’amal b’e rech PNC, Héctor González Prera; xuquje’ ri taqanel rajtzij ri Departamento rech Tránsito, Carlos Fuentes ri’. Xuquje’ e k’i ri winaqil e are jun pa we chak rech kejach’ich’.
Ri ilob’anem ri’ xk’is ub’anik pa le Dirección General rech PNC, chi la’ k’ut ri jalajoj taq wokaj ajchajinelab’ xkikoj uk’olib’al ri ya’l no’jib’al tzijol xuquje’ ri uq’atexik taq ri k’ax rech ya’ltzijol ub’ixik, rech kak’oji naqaj chi ke ri kanimaxik ri winaq xuquje’ ruk’ taq ya’ik uchuq’ab’ ri no’jib’alil rech uq’atexik taq ri k’ax xuquje’ uchuq’ab’ ri b’iw tzij chi rij taq ri q’alanem ib’ xuquje’ ri k’uttijonem pa nimab’e ri’.
Aretaq xk’isik, eri q’atb’al tzij xe’opan pa taq ri k’olib’al xkojik chi la’ rech xketa’maj ri chak kakib’an ri chajinelab’ xuquje’ xkitzijoj chi kiwach ri b’anom chik kumal ri jalajoj ch’ob’ow kumal rajchajinelab’ ajchajil tinamit xuquje’ xkiya utzijol chi ke ri e’ajtzijoxelab’ pa le b’anow tijonem ri’.
Uq’atexik k’ax xuquje’ tijonik rech pa nimab’e
Ruk’ we taq chakunik ri’, eri wokaj chajinelab’ pa tinamit kuya uchuq’ab’ ri uchak rech uq’atexik k’ax xuquje’ tijonik chi rij utz wa’katem pa nimab’e, rech kewa’lijsax ri winaqilal, rech ya’tal jikom k’olib’alil wa’katem pa kub’alil, ucholajil xuquje’ b’anik utzilal chi ke ri winaqilal e’aj iximulew.