We k’ak’ etak’matalik molaj kechajin pa taq nimab’e rech kakiya uchuq’ab’ ri jikomal ri b’insanem pa taq nimab’e xuquje’ rech pa aninaqil ketob’anik pa taq ri nimab’e rech pa amaq’ tinamit.
Ruk’ ri uchak patan ri k’ak’ molaj “Élite Motorizada Metropolitana” ri’ rech ri Departamento rech Tránsito rech ri Wokaj Ajchajinelab’ rech ri Tinamit (DT-PNC), rech kaya uchuq’ab’ ri chajinik pa taq nimab’e xuquje’ rech kak’oji ri Amaq’ Q’atb’altzij pa taq ri okib’al xuquje’ ri elib’al rech ri Nimatinamit Iximulew. Eri kijipixik pa taq ri k’olib’alil xuquje’ ri kichak ri ajchajinelab’ k’o nim upatanib’al rech uq’atexik taq ri k’axk’olil pa taq nimab’e xuquje’ rech keto’ik ri winaq e’ajb’inisaxel pa taq le nimach’ich’ pa taq nimab’e pa tinamit.
Ri eta’manik molaj élite wokotal uwach che 70 ajchajinelab’ rech ri DT-PNC chupam, ri xkik’am kino’jib’al xuquje’ xikiya uchuq’ab’ keta’mab’alil rech usuk’il ukojik ri Taqanik rech Tránsito ruk’ ri Utaqib’alil. Xuquje’ xkiya kichuq’ab’ keta’manik rech utz chajinem kakib’an chi rij ri 20 chi kejach’ich’ ri xya’ pa kiq’ab’.
“Eri molaj rech e’ajchajinel rech keb’in chi rij taq ri kejach’ich’ are rech pa suk’ilal, kek’oji pa taq ri nimab’e, pa jikomal keb’inisanik, pa kub’al k’u’x kechajine ch ke ri winaqilal xuquje’ chi upam ri usuk’ilal no’jib’alil pa amaq’el jacha ri utaqom ub’anik ri taqanem tzij”, xcha’ le ministro rech Gobernación, Marco Antonio Villeda, ri xuk’am ub’e le nim k’utunik ri’.
Xuquje’ xub’ij chi ri ajchajinelab’ chi rij taq kejach’ich’ rajawaxik are kakib’an ruk’ utzilaj k’utb’al no’jib’alil, kowilal xuquje’ ruk’ nim loq’ob’anik. “Rajawaxik kach’ob’ik che pa jujun taq ri ch’ich’ keb’insaxik, b’enaq ri’ jun winaq ri rajawaxik kopan pa rachoch; ruk’ ri ch’ob’ow ri’ rech kanimaxik ukojik ri taqanik tzij pa utaqib’alil ri’; xuquje’rajawaxik kato’ uwach ukojik pa suk’ilal ri katz’iyaqb’al pa jikom suk’ilal, rumal ri’ are karaj che kab’an jun nim unimaxik ruk’ nim patan kumal”, xcha’ le ministro Villeda.
Ri David Custodio Boteo, K’amal B’e rech ri PNC, xub’ij chi we molaj ajchajinelab’ keb’in chi rij taq kejach’ich’ e’are kek’oji ri’ pa taq nima’q nimab’e rech ri CA-1, CA-2 Oriente, CA-9 Norte, CA-9 Sur, xuquje’ pa nik’aj chik pa taq nimab’e rech ri amaq’.
“Ri ub’inisaxik ri chajinem chi rij kejach’ich’ kuya’ q’ij rech aninaq keb’in ri b’insam ch’ich’ pa taq ri nima’q ch’ich’, rech ke’ilik ri k’ax pa taq nimab’e, ri k’ulmatajik ri rajawaxik ke’il pa chajinik kumal ri ajchajil tinamit”, xcha’.
“Chi upam ri Dirección General rech PNC, kataqexik ri uchakuxik ri uk’ak’arisaxik, ri utzirisaxik xuquje’ rech kachuq’ab’irisaxik ri chak chi rij ronojel ri wokaj, ruk’ kakemik ri utzilaj winaqilal, rech ketob’axik ri chajinelab’ rech kekowinik ketob’an aninaq chi uwach apachike k’axk’olil kak’ulmatajik,” xcha’ ri k’amal b’e, Custodio Boteo.
Xuquje’ xe’opan ri Ukab’ Uk’amal B’e ri chajinem, a Roberto Solórzano; ri Ukab’ K’amal B’e Tob’anel rech PNC, a Héctor Prera; ri Taqawokaj K’amal B’e rech ri Nimatinamit Iximulew, a Mauricio Bernard; ri K’amal B’e rech DT-PNC, a Carlos Fuentes, xuquje’ ri ukab’ Uk’amal b’e ri Tránsito, a Osman Esquivel. Eri nim ilob’anowem are xb’antaj pa ri Nimak’olib’al rech ri Utaqanib’al ri Amaq’, pa zona 1 rech ri Nimatinamit ri’.