Eri Ministro rech Gobernación, Francisco Jiménez, e rachb’ilam ri taqawokajnelaab’ rech ri Ya’olchajinem pa Amaq’ xuquje’ rech ri Wokajil Ajchajil Tinamit (PNC), xuya ub’ixik che wuqub’ q’ij rech febrero pa jun nim tzijolinem che ri xuya wi utzijol ri chajinem tajin tinamit xuquje’ ri xb’antaj kowonem xub’an pa le utaqawokajilal.
Eri Ministro Jiménez sib’alaj xuya ub’ixik che ri taqon ya’olchajinem ri’ arech uq’atexik b’anoj taq toq’inik pwaq xuquje’ rech ya’el uchuqpab’ ri chajinem kab’an pa rachoch taq wokajil japache’ pawe amaq’il, rumal ri’ xub’ij che xch’ob’otajik eri kakib’an ri k’ax ri’ e are nik’aj kakesaj kachib’al ri e ajtoq’il pwaq, xuquje’ xriqitajik jastaq man k’ot pa usaqilal upetib’alil.
Xuquje’ xkoj ri Plan rech Control Territorial rech Áreas Fronterizas, rumal eri nim taqawokajnel xub’ij che arech ya’ik uchuq’ab’ ri puqchajinem q’atenik kumal ri wokajil chajin tinamit kuk’ ri Wokajil Chajin Amaq’ Iximulew, rech uq’atexik ri narcotráfico, ri ch’ijom k’ax chi kech ri winaq, ri k’ayin awan jastaq xuquje’ ri maj q’atoj tojb’al aduanera pa ri k’ulb’a’t juyub’ amaq’il ruk’ México.
Xub’ij ri’, eri kemonchak ruk’ Taqawokajnel rech ri Defensa Nacional, sib’alaj xub’ij che katob’an pa juntir kuk’ ri wokajil chajin tinamit che ri ketajin pa ya’olchajinem q’atneik pa taq k’ulb’a’t juyub’ chi kuxo’l ri keb’ nimatinamit amaq’ilal.
Xuquje’ xub’an jun ub’ixik ucholaj ri chak xub’an kuk’ ri q’atb’al tzij rech ri Ministerio Público (MP) ri xk’am ub’e ub’anik rumal ri Fiscal General, Consuelo Porras, ruk’ xchomax wi ya’ik uchuq’ab’ ri tob’anem ch kuxo’l ri keb’ wokajilal ri’ rech pa uk’ub’isaxik ri ya’olchajinem winaqilal xuquje’ ri ya’olchajinem pa amaq’il.