Arech taqim k’ut uq’atexik ri b’anoj k’ax che ri kab’an pa taq nimatinamit e k’o apanoq ri kakib’an k’ax chi ke ri winaqilal pa Iximulew, are la’ kab’an pa le Quinto Viceministerio rech Antinarcóticos rech ri Ministerio rech Gobernación (Mingob). Are tob’anik pa ya’ik uchuq’ab’ ri chajinem pa taq ri k’ulb’a’t juyub’ pa amaq’il.
Eri Taqawokajnel rech ri Ya’olchajinem pa Amaq’, Francisco Jiménez, xuya ub’ixik che ri uq’ab’ taqawokajil ri’ are ub’i’ chik kakojik Viceministerio rech Seguridad Fronteriza, rech ke’uq’atij ri molaj b’anol k’ax ri kakib’an k’ayin awan jastaq, ri ch’ijom k’ax chi kech ri winaqil xuquje’ ri narcotráfico pa tinamit.
Eri Jiménez xuquje’ xub’ij are la’ kachakuxik pa le taqawokajil rech Chajinem ri Puertos, Aeropuertos xuquje’ Puestos Fronterizos (Dipafront) rech ri Wokajil Ajchajil Tinamit (PNC), rech kab’an ri hajinem k’a pa le wokajilal ri’, rech uq’atxik b’anoj k’ax xuquje’ rech ya’olchajinem winaqilal pa tinamit.
B’anon Cholchajinem ri’
Are la’ uwach ri cholchajinem ub’i’ “Control Territorial pa Áreas Fronterizas”, ri taqom ub’anik rumal ri K’amal B’e Iximulew pa keqele’n ri ministerios rech Gobernaci´n xuquje’ ri Defensa Nacional. Eri taqim ub’anik are ya’ik uchuq’ab’ ri chajinem pa ri k’ulb’a’t juyub’ pa amaq’il, jeri’ rech uq’atexik b’anoj k’ax rech taq nimatinamit e k’o apanoq.
Rumal ri’ eri wokajil ajchajil tinamit kuk’ ri e ajchajil amaq’il kakib’an pa kemon ri chajinem pa k’ulb’a’t juyub’ pa amaq’il rumal Iximulew ruk’ México ri’, qas pa le b’anoj chajinem winaqilal e aj iximulew.