Eri q’ojom b’ixab’ ri’ are kuk’am rib’ pa jun riqon ib’ rech k’utuj je’lna’ojil eta’mab’al, kuya uchuq’ab’ ri junamil k’aslemal ri achb’ilanik xuquje’ ri junam k’aslemalil. Ruk’ utaqixik wa’, eri Ministerio rech Gobernación pawe q’ij sábado 24 rech octubre ri’ eri Nab’e Kinimaq’ij Ajb’ixab’, pa le Uxlanb’al rech Ja’maril ub’i’ “Carlos ‘El Pescadito’ Ruiz”, k’o pa le zona 21 rech ri uk’u’x tinamit Iximulew.
Le nimaq’ij ri’ xe’umolij ri ajb’ixab’inel xesik’ix ri’ pa jun q’ij rech xk’utik ri kib’ixonik ri ab’om alitom xuquje’ rech uya’ik uchuq’ab’ ri katob’anik pa taq ri etz’anem nimaq’ij ri’.
Ri b’ix q’ojomanik, are ri’ jun uq’alajisaxik ri chomanik, ri kuya b’e che ri junamil k’aslemal chi kuxo’l taq winaqib’ xuquje’ ri komon, we nimalaj nimaq’ij ri’ katob’anik rech q’ateb’al ri k’ax k’aslemal, ruk’ kitatab’enik ri ab’om alitom ri’ xuquje’ ri utz ukojik pa taq ri k’olib’al uxlanb’al pa tinamit.
Eri viceministra rech Q’ateb’al K’ax ri Makaj, al Mayda Alejandra De León, xk’oji pa le chak ptan junam kuk’ ri ajchomanelab’ ri Unidad rech ri Prevención Comunitaria rech ri K’axk’olil (UPCV) xuquje’ rech ri Viceministerio rech Choletz’anem xuquje’ ri Uxlanik.
Eri Uxlanb’al rech ri Ja’maril xux ri’ jun k’olib’al rech jun b’anow je’lna’oj nimaq’ij ri’ rech ke’umol ri ab’om alitom ri’ xuquje’ rech ya’ik uchuq’ab’ ri kik’aslemal ri komonil. Eri cholchak ri’ are utaqim na’texik che ri q’ateb’al k’ax are kab’antajik pa le ya’talil rech katzijon le jun winaq, ri junamil k’aslemal xuquje’ pa le okem tzij rech k’aslemal ib’ pa le komon tzij.
Pa le rulewal ri k’olib’al ri’, eri q’ojomanel b’ixab’ ri’, xkik’ut ub’anik ri je’lna’oj kib’ixonik, xkinojisaj ri k’olib’al che uq’ojomsanik xuquje’ r je’l kiq’ojomsanik pa tinamit ri’, pa le xkik’owisaj wi jun utzilaj k’olib’em ri utzilaj ch’ob’onik xuquje’ b’ixob’al ri’.
Pa le nimalaj chak xb’antajik, eri molaj ajb’ixonelab’ ajq’ojomab’ xek’oji xya’taj nim taq wujil ya’el kiq’ij rumal xek’oji pa le nab’e nimalaj nimaq’ij ri’. Eri b’anob’al ri’ sib’alaj xub’an uk’utik kipatanib’al ri q’ojomanelab’ b’ixonelab’ ri’ xuquje’ ri nimalaj upatanib’al rech kakojik taq ri ja’maril che ri ab’om alitom kakik’ut wiri’ ri kina’oj keta’mab’al, ri ya’el uchuq’ab’ ri kik’u’x kanima’ xuquje’ ri kakiriq wi k’ak’ taq ya’talil rech kak’iy kino’jib’alil.