Eri 300 chi rajchajinelab’ ri japache’ tz’apib’al rech pa chuwe’q kab’ij e’are k’ut tajin katijoxik rech kak’extaj uwach ri taqanem tzij pa Wokajil Japache’ Tz’apib’al (SP). Ruk’ jun k’ak’ eta’mab’alil, eri achijab’ kuk’ ri ixoqib’ rech le juk’al b’elejeb’ puqil ri’, e’are sib’alaj kow katajin katijoxik chi rij uch’ob’ik ri toq’im chak kab’an pa taq le japache’ tz’apib’al rech ri rulewal tinamit.

Eri ministro rech Gobernación, Marco Antonio Villeda, k’ate xopan pa kasolixik ri tijonem katajin chi ke ri e k’ak’ rajchajinelab’ ri japache’ tz’apib’al. Pa le ub’ik chi la’, sib’alaj xub’an le rilik le nimantzij, le nimachak xuquje’ le ronojel kanima’ ketajin che katijoxik kib’ pa le Escuela rech Estudios Penitenciarios (EEP), pa Fraijanes, Iximulew ri’.

Xuya ub’ixik che ri uwi k’isb’al katijoxik rajchajinelab’ ri’ are kab’an pa le ik’ rech octubre petinaq. “Qab’anom uterne’xik ri’ rech kaqaki’kotirsaj ri kanima’ rech kakiterne’j katijoxik kib’ xuquje’ rech xepixb’axik chi rij taq ri k’ak’ ub’anikil taqanem pa le Wokajil Japache’ Tz’apib’al”, xcha’ le rajpatanel ri Taqon Chajinem pa Amaq’.

Kowilaj tijoninem ri’

Eri ajtijonelab’ rech ri FEP xkib’an ri tijonem chi ke ri k’ak’ rajchajinelab’ ri wokajil japache’ tz’apib’al, e’are k’ut ri kakik’am uchuq’ab’ ri keta’mab’al chi rij ri Taqanem Tzij rech ri Taqawokaj Japache’, ri umolajil, ri uchak patan japache’, ri ch’ojib’al ya’tal chj ke winaqib’, ri utzib’axik ri ub’ixikil chak b’anom, ruk’ nik’aj chik uwach nimachak e b’anom.

Xuquje’ tajin reta’maxik ub’anikil uwach ri k’aqb’al q’aq’ ruk’ ri b’anow kaq’anik, ri tob’an ib’, ri b’anow nab’ejsab’¿al kunanem, ri reta’maxik ri b’anob’al katijoxik rech kakiq’i’o, pa kich’akub’al, kachomab’al xuquje’ pa kisuk’ilal. Eri ub’anikil tijonem ri’ are kuya’o uchuq’ab’ b’anik ri kichak rech kechajixik rech pa amaq’el kakib’an ri ucholalejil pa wokajil japache’ tz’apib’al ri’, jeri’ rech kakkib’an ri chajinem ronojel kanima’ xuquje’ rech kakiya’o kib’ fpa le niman ri uchajixik ri amaq’ tinamit ri’.